उल्हासनगर : सुभाष टेकडी परिसरात राहणाऱ्या 133 गरजू महिलांना मोफत गॅस कनेक्शनचे वाटप उल्हासनगरातील भारिप बहुजन महासंघाचे अध्यक्ष सुधीर बागूल, भारिपच्या नगरसेविका तथा पालिकेतील गटनेत्या कविता बागूल यांच्या हस्ते वितरित करण्यात आले.

ऊज्वला गॅस योजना अंतर्गत ज्यांच्याकडे गॅसचे कनेक्शन नाही, अशा गरजू 133 महिलांच्या नावांची यादी तयार करण्यात आल्यावर सिद्धार्थ स्नेह मंडळाच्या मैदानात एका कार्यक्रमाद्वारे भारिप बहुजन महासंघाचे अध्यक्ष सुधीर बागुल व नगरसेविका कविता बागुल यांच्या हस्ते या महिलांना मोफत गॅस कनेक्शनचे वाटप करण्यात आले. 

यावेळी विजय इंगोले, सुनील पट्टेबहाद्दुर, दिपक आढाव यांच्यासह आदी मान्यवर मंडळी उपस्थित होते. गेल्या महिन्यामध्ये उज्वला गॅस योजने अंतर्गत टप्याटप्याने 1200 च्या आसपास गरजू महिलांना मोफत गॅस कनेक्शनचे वाटप करण्यात आले असून योजना सुरू राहिल्यास आणखी गरजू महिलांना गॅस कनेक्शनचे वाटप केले जाणार असल्याची माहिती बागूल दाम्पत्याने दिली.