नालासोपारा - ‘गांधीधाम एक्स्प्रेस’च्या मोटरमनने रेल्वे थांबवून ट्रॅकवर लघुशंका केल्याचा प्रकार उघडकीस आला आहे. शनिवारी सकाळी साडेदहा वाजण्याच्या सुमारास वसई-नालासोपारा या स्थानकांदरम्यान ही घटना घडली. जागरूक नागरिक राज दसोनी यांनी याचा व्हिडीओ काढल्याने घटनेची वाच्यता झाली आहे.
‘गांधीधाम एक्स्प्रेस’ शनिवारी सकाळी मुंबईच्या दिशेने जाताना नालासोपारा रेल्वेस्थानकापासून एक किलोमीटर अंतरावर थांबली होती. या एक्स्प्रेसचा मोटरमन चक्क खाली उतरून ट्रॅकवर लघुशंका करीत होता.
ट्रॅकच्या शेजारील रस्त्यावरून जाणारे जागरूक नागरिक राज दसोनी यांच्या हा प्रकार लक्षात आल्यानंतर त्यांनी याचा व्हिडीओ तयार केला. या घटनेने सुरक्षेच्या प्रश्नाबरोबरच मोटरमनसाठी रेल्वे गाड्यांमध्ये असलेल्या सुविधांचा मुद्दाही पुढे आला आहे.
संबंधित व्हिडीओ कोणत्या ठिकाणाचा आहे हे अद्याप स्पष्ट झालेले नाही. गाडीमध्ये दोन मोटरमन असतात. त्यामुळे प्रवाशांच्या सुरक्षेबाबत कसलीही तडजोड झाल्याचे वाटत नाही.
- गजानन महतपूरकर, वरिष्ठ जनसंपर्क अधिकारी, पश्चिम रेल्वे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.