Ganesh Utsav 2023: देशभरातील हिंदूंचे श्रद्धास्थान असलेले अयोध्येतील राम मंदिराचे 2024 मध्ये शुभारंभ होणार असून याचीच वाट सर्वच भक्तमंडळी पहात आहे. याच पार्श्वभूमीवर डोंबिवलीतील सहकार मित्र

मंडळाकडून यंदा आपल्या लाडक्या बाप्पासाठी अनोखा देखावा करण्यात आला आहे... प्रभू श्रीराम यांच्या जीवनावर आणि रामायण मधील महत्वाच्या घटनाचे चित्रण या देखाव्यात लावण्यात आले आहे. भाविकांना शांत बसून देवाचे चिंतन करता यावे यासाठी छोटेखानी महल तयार करण्यात आला आहे.

प्रभू श्रीरामाचा जन्म, सीता स्वयंवर,14 वर्षे वनवास , सीताहरण , लंकादहन, रामसेतू, रावणवध, श्रीरामाचा राज्यअभिषेक या सर्व घटना दाखविणारे चित्रण याठिकाणी लावण्यात आले आहे. आयोध्यातील राम मंदिर हे सर्व हिंदूंचे श्रद्धास्थान असून ते आज पूर्ण होत आहे. याचमुळे हिंदू म्हणून आपली देखील सदभावना व्यक्त होण्यासाठी प्रभू श्रीरामांच्या जीवनावर आधारित चित्र देखाव्याच्या स्वरूपात साकारले असल्याचे सहकार मित्र मंडळाचे अध्यक्ष संजय विचारे यांनी सांगितले.