विरार : कोरोनाच्या पार्श्वभूमीवर देशभरात मास्कची मागणी वाढत असताना पोलिसांनी मंगळवारी वसईमध्ये केलेल्या कारवाईत ’एन 95’ मास्कचा 51 लाख रुपये किमतीचा मोठा साठा जप्त करण्यात आला. विशेष म्हणजे हे सर्व मास्क वापरलेले असून ते धुवून पुन्हा विक्रीसाठी आणले जात होते.

अधिक आणि सविस्तर बातम्या वाचण्यासाठी ईपेपर वाचा

विरार पूर्व गडगापाडा परिसरातील एका घरात बोगस ’N 95’ मास्कचे  मोठे रॅकेट सुरु असल्याची माहिती वालीव स्थानिक गुन्हे शाखेला मिळाली होती. त्यानुसार पोलिसांनी छापा मारून ही कारवाई केली. जप्त केलेल सर्व मास्क धुवून, इस्त्री करून पुन्हा पॅकिंग करून बाजारात  विक्रीसाठी आणले जात होते. हे सर्व मास्क भिवंडी येथून विरारमध्ये  आणले जात होते. हे मोठे रॅकेट असल्याची शंका पोलिसांनी वर्तवली आहे. या प्रकरणी नागराज पिल्ला (33), रोहित कोठरी (30), मोहोम्मद नौशाद शेख (28) अशी अटक केलेल्या आरोपींची नावे आहेत. त्यांच्यावर कलम 420, 269, 270 सह अत्यावशक वस्तू अधिनियमानुसार 1955 चे कमल 3 (8), साथीचे रोग प्रतिबंधक कायदा कलम 2, 3, 4  नुसार गुन्हा दाखल केला आहे.

मुंबईतील महत्वाच्या बातम्या वाचण्यासाठी येथे क्लिक करा
 

पोलिसांसमोर तपासाचे आव्हान
जप्त केलेले मास्क भिवंडी येथून कुठ्न आणले जात होते आणि वसई, विरारसह मुंबईत ते कुठे विकले जाणार होते याचा तपास पोलिसांना करावा लागणार आहे. या प्रकरणी पोलिसांनी 3 आरोपींना अटक केली असून घटनास्थळावरून मास्कसह ते धुण्यासाठी वापरण्यात येणारी वॉशिंग मशीन,  इस्त्री व पॅकिंग करण्याचे साहित्य असे 51 लाख 34 हजार 300 रुपयांचा माल व साहित्य जप्त केले आहे.