मुंबई - घाटकोपरमध्ये गुजराती पाटयांचा वाद चिघळला आहे. ठाकरे गट आणि मनसेमध्ये मराठीच्या मुद्यावरून चढाओढ सुरू आहे. आठ वर्षांपूर्वी लावलेल्या गुजराती फलकाचा वाद आता पुन्हा उफाळून आला आहे. आज भाजपाने गुजराती नामफलक तोडल्याच्या निषेधार्थ निदर्शने केली.

घाटकोपरमध्ये काही दिवसांपूर्वी गुजराती भाषेत असलेल्या 'मारू गुजराती' ही पाटी तोडल्याची घटना घडली होती. त्यानंतर आज घाटकोपर पूर्व येथील आर. बी. मेहता मार्गावरील गुजराती नामफलक तोडण्यात आला. शिवसेना ठाकरे गटाने ही तोडफोड केली असल्याचा आरोप भाजपने केला आहे. तोडफोडीविरोधात भाजप आक्रमक झाली असून गुजराती पाटी पाटी असूच नये असा नियम आहे का, असा सवाल भाजपाने केला आहे.

ठाकरे गटाने हा नामफलक फोडल्याचा आरोप भाजपने केला आहे. भाजप आमदार पराग शहा, माजी नगरसेवक प्रवीण छेडा आणि प्रवक्ता भालचंद्र शिरसाठ यांच्या नेतृत्वाखाली आर. बी. मेहता मार्गाची पाटी तोडण्यात आली तिथे निदर्शने करण्यात आली.

भाजपचे माजी नगरसेवक प्रवीण छेडा यांनी म्हटले की, 2016 मध्ये मी नगरसेवक असताना हवेली पूल जवळ सदर चौक बांधला होता. या चौकाच्या एका बाजूला मराठीत "माझे घाटकोपर" दुसऱ्या बाजूला इंग्रजीत माय घाटकोपर आणि तिसऱ्या बाजूला गुजरातीमध्ये 'मारू घाटकोपर' आणि चौकाच्या मध्यभागी मराठी मध्ये आपले स्वागत आहे असे लिहिले होते.

संपूर्ण परिसर माझ्या नगरसेवक निधीतून सुशोभीत करण्याला आले. त्याला आठ वर्ष झाली. आजपर्यंत एक ही तक्रार कोणीही केली नाही. शिवसैनिकांनी शनिवारी रात्री तोडले. ठाकरे गट आणि मनसेमध्ये मराठीच्या मुद्यावरून चढाओढ सुरू आहे. त्याच्या परिणामी अशा घटना घडत आहेत. गुजराती सॉफ्ट टार्गेट आहेत. त्यामुळे गुजराती पाट्यांची तोडफोड सुरू असल्याचा आरोप छेडा यांनी केला.

मनसे मनसेने टोल बंद आंदोलन केले आहे. त्यांनी आता निवडणुकीच्या पार्श्वभूमीवर गुजराती पाट्यांवर लक्ष केंद्रित केल्याचे समजते. त्यामुळे हा वाद चिघळण्याची शक्यता आहे.