मुंबादेवी : राजभवनातील मुस्लिम कर्मचाऱ्यांसाठी नमाज पठणासाठी राजभवनात एक खोली देण्यात आली आहे. शुक्रवारी तेथे गर्दी होत होती. त्यामुळे कोरोना पार्श्‍वभूमीवर नमाजसाठी राजभवनातील मशीद खुली करावी, अशी मागणी "रझा अकादमी' संघटनेने पत्राद्वारे राज्यपालांकडे केली आहे. यावर राजभवनात हिंदूंनाही उपासना, आरती, पूजा आणि उत्सव साजरे करण्यासाठी मोठी जागा उपलब्ध करून देण्यात यावी, अशी मागणी आज हिंदु जनजागृती समितीने एका पत्राद्वारे राज्यपालांकडे केली आहे. 

हेही वाचा - घटनेला पायदळी तुडवूनच मोदी सरकारचा कारभार; खासदार हुसेन दलवाई यांची टीका

समितीचे महाराष्ट्र राज्य संघटक सुनील घनवट यांनी याबाबत माहिती दिली आहे. हिंदु जनागृती समितीने राज्यपालांना पाठवलेल्या पत्रात म्हटले आहे की, राज्यघटनेप्रमाणे भारतीय शासन आणि प्रशासन व्यवस्था धर्मनिरपेक्ष, सर्वधर्मसमभावाचे पालन करणारी आहे. त्यामुळे कोणत्याही विशिष्ट जाती-धर्माला झुकते माप देता येत नाही. राज्यघटनेत न्याय, बंधूता, समता... आदी मूलभूत तत्त्वाचे पालन बंधनकारक आहे. त्यामुळे ज्याप्रमाणे राजभवनात मुस्लिम कर्मचाऱ्यांना एका मशीदीसाठी जागा देण्यात आली आहे. त्याचधर्तीवर आणि नियमानुसार हिंदू कर्मचाऱ्यांनाही त्यांच्या संख्येनुसार राजभवनात मंदिरासाठी मोठी जागा देण्यात यावी.

हेही वाचा - विना मास्क प्रवाशांवर कारवाई; लोहमार्ग पोलिसांची धडक मोहीम

जेणेकरून राजभवनातील हिंदू कर्मचारी आणि बाहेरील हिंदू महाआरती, पूजा, उपासना, तसेच विविध धार्मिक उत्सव आनंदाने साजरे करतील. तसेच त्या जागेत जाऊन त्यांना नित्य उपासना करता येईल, असेही घनवट यांनी म्हटले आहे. 

Give space for worship to Hindus in Raj Bhavan too Demand of Hindu Janajagruti Samiti

---------------------------------------------------------

( संपादन - तुषार सोनवणे )