मुंबई : मुंबईत आज 2,440 रुग्ण सापडले असून मुंबईतील एकूण रुग्णसंख्या 2,09,934 झाली आहे. रुग्णवाढीचा दर 1.06 टक्के इतका गेला आहे. मुंबईत आज 42 रुग्णांचा मृत्यू झाला असून मृतांचा आकडा 9,011 वर पोहोचला आहे. मुंबईत आज 1,358 रुग्ण बरे होऊन घरी गेले. रुग्ण बरे होण्याचा दर 82 टक्के इतका झाला आहे. 

हाथरस प्रकरणाच्या चौकशीसाठी मुंबई पोलिसांना उत्तरप्रदेशात पाठवा; शिवसेना आमदाराची मागणी

मुंबईत आज झालेल्या 42 मृत्यूंपैकी 37 जणांना दीर्घकालीन आजार होते. मृतांमध्ये 31 पुरुष आणि 11 महिलांचा समावेश होता. एकूण मृत झालेल्या 42 रुग्णांपैकी 11 रुग्ण 40 ते 60 वयोगटादरम्यान होते; तर 31 रुग्णांचे वय 60 हून अधिक होते. दरम्यान, आज 1,358 रुग्ण बरे झाले असून आजपर्यंत 1,72,036 रुग्णांना घरी सोडण्यात आले. मुंबईत रुग्ण दुपटीचा दर 66 दिवसांवर गेला आहे; तर 1 ऑक्‍टोबरपर्यंत एकूण 11,44,744 कोविड चाचण्या करण्यात आल्या. 25 सप्टेंबर ते 1 ऑक्‍टोबर दरम्यान कोविड रुग्णवाढीचा दर 1.06 इतका आहे. 

कामात दिरंगाई खपवून नाही घेणार; आयुक्त बांगर यांचे आरोग्य विभागाला दमवजा सूचना

मुंबईत 667 वस्त्या आणि झोपडपट्ट्या कंटेन्मेंट झोन म्हणून जाहीर करण्यात आले आहेत; तर सक्रिय सीलबंद इमारतींची संख्या 10,637 असून गेल्या 24 तासांत बाधित रुग्णांच्या संपर्कात 14,918 अतिजोखमीच्या व्यक्ती आल्या आहेत. 
----------------------------------------

( संपादन - तुषार सोनवणे )