कासा : डहाणू (Dahanu) तालुक्यातील वेती, वरोती, मुरबाड, वांगरजे, पिंपळशेत, बसवत पाडा येथील शेतक-यांसाठी (farmer) शिबिराचे आयोजन केले होते. या शिबिरात ई पीक नोंदणी, शेतीविषयक माहिती, पीक कर्ज, गोपीनाथ मुंडे पीक योजना (Gopinath Munde Crop Scheme) , सातबारा नोंदणी, शेतीविषयक पोर्टल कसे वापरावे, याबाबतीत शेतकऱ्यांना मार्गदर्शन करण्यात आले.

वेती वरोती ग्रामविकास अधिकारी मोहन पाचलकर, महसूल अधिकारी एस. भरसट, कृषी सहायक अजय आंबेकर, कृषीतज्ज्ञ शेतकरी कैलास वसवत आदी या वेळी उपस्थित होते. सध्या अनेक शेतकऱ्यांना जोरदार पावसामुळे भातपिकांचे नुकसानाचे संकट उभे ठाकले आहे. शेतकऱ्यांनी याबाबत गान्हाणे मांडले. अधिकाऱ्यांनी शेतीच्या नुकसानीची पाहणी केली.