भिवंडी : अघोरी कृत्य आणि जादूटोणासाठी नकार देणाऱ्या महिलेला भोंदूबाबासह त्याच्या तिघा साथीदारांनी जबर मारहाण केली. तसेच, संशयितांनी तिच्यावर जादूटोणा करण्यासाठी तिच्या केसांची बट कापली. भिवंडी शहरातील कामतघर येथे हा धक्कादायक प्रकार उघडकीस आला. पीडित महिलेने त्यांच्या तावडीतून स्वतःची करत थेट नारपोली पोलिस ठाण्यात धाव घेतली. पोलिसांनी याप्रकरणी गुन्हा दाखल केला आहे.

महत्वाची बातमी सोने खरेदी रोडावली, आहे खास कारण... 

मनोज शंकर गोहिल, त्याची पत्नी जया गोहिल, विनोद चव्हाण, गुजराथी महाराज अशी आरोपींची आहेत. यातील भोंदूबाबासह आरोपी गोहिल दाम्पत्य आणि त्यांचा नातेवाईक (सर्व रा. चरणीपाडा, भिवंडी) फरारी असून पोलिस त्यांचा शोध घेत आहे. 28 वर्षांची पीडित महिला भिवंडीतील कामतघर परिसरात पतीसह राहत होती. आरोपी मनोज गोहिलशी प्रेमसंबंध जुळल्याने ती पतीला सोडून मनोजसोबत राहत होती; मात्र काही महिन्यांपूर्वी तिने मनोजच्या विरोधात नारपोली पोलिस ठाण्यात अत्याचारप्रकरणी तक्रार दिली होती. त्या वेळी पोलिसांनी मनोजला अटक केली होती.

हे वाचलेय का... 'ही' परदेशी फळे बाजारात दाखल; तुम्ही पाहिली का?

मनोजची जामिनावर सुटका झाल्यानंतर ती पुन्हा त्याच्यासोबत राहत होती; मात्र मनोजसोबत त्याची पहिली पत्नी जयाही राहू लागल्याने दोघींमध्ये सतत भांडणे होत होती. त्यामुळे पीडित महिलेवर अघोरी कृत्य व जादूटोणा करून तिच्यापासून सुटका करण्याच्या उद्देशाने गोहिल दाम्पत्याने इतर आरोपींच्या मदतीने पीडित महिलेला भिवंडीतील अंजूरफाटा परिसरातील एका सोसायटीच्या खोलीत नेत अघोरी पूजेसाठी बसवले; मात्र पीडित महिलेने नकार देताच आरोपींनी तिला जबर मारहाण करून अघोरी कृत्य व जादूटोणासाठी तिच्या केसांची बट कापली.

हे सुद्धा वाचा वय वर्ष 23; हेडफोनने घेतला जीव...

पीडित महिलेने कशीबशी स्वतःची सुटका करून तिथून पळ काढत नारपोली पोलिस ठाणे गाठले. तिच्या तक्रारीनुसार पोलिसांनी आरोपींवर गुन्हा दाखल केला. पोलिस निरीक्षक (गुन्हे) रवींद्र वाणी याप्रकरणी अधिक तपास करीत आहेत.