भिवंड़ी ः भिवंडी तालुक्याच्या ग्रामीण भागात कोरोना विषाणूचा प्रादुर्भाव वाढू लागला आहे. त्याच बरोबर नागरिकांच्या मृत्यूचे प्रमाण वाढल्याने भिवंडी उपविभागीय अधिकारी डॉ मोहन नळदकर यांच्या आदेशानुसार गोदामात काम करणाऱ्या कामगार कर्मचाऱ्यांची आरोग्य तपासणी सुरू झाली आहे.
अनेक कामगार हे किरकोळ संसर्गजन्य असल्याचे तपासणीत आढळून आल्याने त्यांना उपचार घेण्याचा सल्ला देण्यात आला आहे. भिवंडी तालुक्यातील विविध ग्रामपंचायतींच्या हद्दीतील हजारो ट्रान्सपोर्ट मालाची साठवणूक करणारी गोदामे असुन त्यामध्ये एक लाखाहुन अधिक कामगार काम करीत आहेत. सध्या ग्रामीण भागात मोठ्या प्रमाणात कोरोनाचा प्रादुर्भाव वाढला आहे. त्यामुळे ठाणे जिल्हाधिकारी डॉ. राजेश नार्वेकर यांनी शनिवारी भिवंडी उपविभागीय अधिकारी कार्यालयात तातडीने बैठक घेऊन गोदाम काम करणाऱ्या कामगार कर्मचारी यांची आरोग्य तपासणी करण्याचे आदेश प्रांत अधिकारी डॉ. मोहन नळदकर, हसीलदार शशिकांत गायकवाड, गटविकास अधिकारी प्रदिप घोरपडे यांना दिले.
तसेच आरोग्य तपासणीत कोरोना रूग्ण आढळल्यास तात्काळ गोदाम बंद करण्याचे निर्देश दिले आहे. त्यामुळे आज सकाळ पासून गोदामात कार्यरत असलेले सर्व कामगार व कर्मचाऱ्यांची कोविडचा पार्श्वभूमीवर थर्मोमीटरने ताप मोजणे आणि ऑक्सिमिटरच्या सहाय्याने रक्तातील प्राणवायू तपासणीचे काम तातडीने सुरू करण्यात आले आहे.या तपासणी मोहिमेसाठी गणेशपूरी उपविभागीय पोलिस अधिकारी दिलीप गोडबोले, जिल्हा आरोग्य अधिकारी डॉ. मनिष रेंघे विशेष लक्ष ठेवणार आहेत तसेच ग्रामसेवक,ग्रामपंचायतींचे कर्मचारी, तलाठी, शिक्षक आदींच्या एकूण 83 समूह तयार करण्यात आले आहेत.प्रत्येक समूहमध्ये 3 ते 4 कर्मचारी तपासणीसाठी नेमण्यात आले आहेत.
5 समूहमागे 1 पर्यवेक्षण अधिकारी आणि 15 टीम मागे 1 नियंत्रण अधिकारी आदींच्या नेमणुका उपविभागीय अधिकारी डॉ.नळदकर यांनी केले आहे.सदरचे तपासणी काम 24 जुलैपर्यंत पूर्ण करण्याच्या सूचना डॉ नळदकर यांनी सर्व नियुक्त समूहांना दिल्या आहेत.तसेच जे गोदामधारक कामगारांच्या आरोग्य तपासणी कामी सहकार्य करणार नाहीत नियमांचे पालन करणार नाहीत त्यांचे गोदाम सील करण्यात यावेत असे निर्देश डॉ.मोहन नळदकर यांनी दिले आहेत.
---------------------------------
संपादन - तुषार सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.