डोंबिवली : जुलैमध्ये झालेल्या अतिवृष्टीचा फटका (Heavy Rainfall) कल्याण तालुक्यातील (kalyan villages) गावांना देखील बसला आहे. 15 हजाराचा आसपास नागरिक यामध्ये बाधित झाले असून आत्ता पर्यंत 5 हजार बधितांना राज्य शासनाच्या मदतीचे (mva government help) वाटप करण्यात आले असून 9 हजाराच्या आसपास बधितांना येत्या 10 दिवसांत मदतीचे वाटप करण्यात येईल. दिवाळीपूर्वी (diwali festival) सर्व बधितांना मदत मिळवून देण्यात येईल अशी माहिती कल्याण तहसीलदार विजय पाटील (VIjay Patil) यांनी दिली.

जुलै महिन्यात आलेल्या अतिवृष्टीचा कल्याण तालुक्यातील अनेक भागांना फटका बसला आहे. कल्याण तालुक्यात कल्याण, अप्पर कल्याण, टिटवाळा, म्हारळ बुद्रुक, नडगाव, ठाकुर्ली असे सहा सर्कल येत असून यातील सुमारे 15 ते 16 हजाराच्या आसपास नागरिक बाधित झाले आहेत. बाधित नागरिकांसाठी राज्य शासनाने मदत जाहीर केली असून त्याचे वाटपही सुरू झाले आहे. कल्याण तालुक्यातील बाधित कुटुंबासाठी प्रत्येकी दहा हजार असे 16 कोटी 36 लाख रुपयांची मदत जिल्हाधिकारी कार्यालयाकडून मिळाली आहे.

आत्तापर्यंत 5 हजार बधितांना या अनुदानाचे वाटप करण्यात आले असून 9 ते 10 हजाराच्या आसपास नागरिकांना वाटप होणे बाकी आहे. काही नागरिकांना अनुदान वाटप करण्यात काही अडचणी देखील येत आहेत. मात्र त्याची शहनिशा करत दिवाळी पूर्वी सर्वांना मदत पोहचवण्यात येईल असे तहसीलदार पाटील यांनी सांगितले.