मुंबई : चिंचपोकळी सार्वजनिक उत्सव मंडळ गेली 100 वर्षे जनसेवा करत आले आहे. त्यामुळेच,  मंडळाने देशावर आलेल्या संकटसमयी सेवाभावी वृत्तीने मदतीचा हात पुढे करत 3 लाखांची मदत केली आहे. 

मुंबईतील महत्वाच्या बातम्या वाचण्यासाठी येथे क्लिक करा

कोरोनावर मात करण्यासाठी महाराष्ट्राचे मुख्यमंत्री उद्धव ठाकरे यांनी केलेल्या आवाहनाला प्रतिसाद म्हणून चिंचपोकळी सार्वजनिक उत्सव मंडळामार्फत जमा झालेले 3 लाख 51 हजार रूपये असा हातभार म्हणून 'मुख्यमंत्री सहायता निधी-कोवीड 19 ' या निधीसाठी धनादेशाद्वारे संबधित खात्यात जमा केले आहे. 

तसेच, कोरोनाचा फैलाव रोखण्यासाठी खबरदारीचा उपाय म्हणून मंडळाच्या वतीने कोरोनाची माहिती आणि घ्यावयाची काळजी या संबधीचे माहिती पत्रक सोबत डेटॉल, साबण आणि सॅनिटायझरचे वाटप मंडळाचे अध्यक्ष उमेश नाईक यांच्या हस्ते नगरसेविका सिंधूताई मसुरकर, मंडळाचे मानद सचिव वासुदेव सावंत, भालेश परब, अतुल केरकर आणि इतर पदाधिकारी यांच्या उपस्थितीत चिंचपोकळीतील इमारतींमध्ये घरोघरी करण्यात आले. 

अधिक आणि सविस्तर बातम्या वाचण्यासाठी ईपेपर वाचा

तसेच, 2019  मध्ये मंडळाने पश्चिम महाराष्ट्रातील अतिवृष्टीमुळे आलेल्या संकटावर मात करण्यासाठी 5 लाखांचा निधी मुख्यमंत्री सहायता निधीसाठी उपलब्ध करून दिला होता. या भयावह परिस्थितीवर आपण सर्वांच्या मदतीने नक्कीच मात करण्याचा आशावाद मंडळाचे सचिव श्री वासुदेव सावंत यांनी व्यक्त केला आहे.