मुंबई : मुंबईचे पोलीस आयुक्त हेमंत नगराळे (Hemant nagrale) यांनी त्यांच्या पत्नीला मागील चार महिन्यांची थकित पोटगी द्यावी (Alimony for wife) असे निर्देश मुंबई उच्च न्यायालयाने (Mumbai high court) आज दिले. नगराळे यांच्या पत्नीने केलेल्या याचिकेवर (wife petition) नुकतीच न्या ए ए सय्यद आणि न्या एस जी डिगे यांच्या खंडपीठापुढे सुनावणी झाली. मागील चार महिन्याची पोटगीची रक्कम नगराळे यांनी थकविली असून असे पहिल्यांदाच होत नाही, असा युक्तिवाद पत्नीच्या वतीने एड पी व्ही नेल्सन राजन यांनी केला.

सध्याची पोटगीची रक्कम वाढविण्यासाठी आणि नागपूर किंवा पुण्यात घर मिळवून देण्याची मागणी देखील याचिकेत केली आहे. यावर खुलासा करण्याचे निर्देश न्यायालयाने दिले असून पुढील सुनावणी ता. 6 डिसेंबर रोजी होणार आहे. सन 2011 मध्ये नगराळे पती पत्नीचा घटस्फोट झाला आहे. कुटुंब न्यायालयाने त्यांना रुपये 20000 पोटगी मंजूर केली आहे. यामध्ये वाढ करण्याची मागणी पत्नीने केली आहे.