डोंबिवली : हॉटेल, वाईन शॉप बाहेर होणारी गर्दी राज्य सरकारला चालते, मात्र हिंदू सणांसाठी (hindu festivals) होणारी गर्दी (crowd) सरकारच्या डोळ्यात खुपते. सणांवर लादल्या जाणाऱ्या निर्बंधांचा (restrictions) निषेध करीत मंगळवारी दिवा (diva) येथे भाजपा युवा मोर्चा दिवा मंडळाने प्रतिकात्मक दहीहंडी उत्सव (dahi handi festival) साजरा केला. काळ्या फीत (black ribbons) लावत युवकांनी हंडी फोडली.

ठाण्यातील दिवा शहरात भारतीय जनता पार्टी युवा मोर्चा दिवा मंडळ तर्फे महाविकास आघाडी सरकारच्या निर्णयांच्या विरोधात प्रतिकात्मक दही हंडी उत्सव साजरा करण्यात आला. हिंदू सणांवर निर्बंध लादण्याचे प्रकार महाविकास आघाडी सरकारकडून सुरू आहेत. हे सरकार महाविकास आघाडी नसून म्हाभकास तिघाडी सरकार आहे. या सरकारचा तसेच त्यांनी लादलेल्या निर्बंधांचा निषेध म्हणून आज हा प्रतिकात्मक हंडी उत्सव साजरा करण्यात आल्याचे यावेळी भाजपा युवा कार्यकर्त्यांनी सांगितले.

हंडी फोडल्यानंतर भाजपा युवा कार्यकर्त्यांनी जोरदार घोषणा दिल्या. यावेळी युवा मोर्चा दिवा मंडळ अध्यक्ष सचिन भोईर, ठाणे जिल्हाउपाध्यक्ष निलेश पाटील, भाजपा दिवा मंडळ अध्यक्ष आदेश भगत, जयदीप पाटील, श्रीधर पाटील, युवराज यादव यांसह अनेक कार्यकर्ते उपस्थित होते.