Railway News: मुंबई, ठाणे, पालघर या भागांतून अनेक चाकरमानी आपल्या कुटुंबासह होळी साजरी करण्यासाठी आपल्या मूळ गावी कोकणात जातात.

कोणत्याही वाहतूक सुविधेपेक्षा कोकणच्या चाकरमान्यांना एसटी अधिक जवळची वाटते. कारण ती त्यांना थेट त्यांच्या वाड्या-वस्त्यांपर्यंत पोहोचवते. यंदा कोकणात जाणाऱ्या एसटीच्या २३९ जादा बसचे आरक्षण हाऊसफुल्ल झाले आहे.

अवघ्या काही दिवसांवर येऊन ठेपलेल्या होळीसाठी चाकरमानी कोकणात जाण्यासाठी सज्ज झाले आहेत. २० ते २५ मार्चदरम्यान जादा वाहतूक होणार आहे.

होळीकरिता मुंबई विभागातून ९३, तर ठाण्यातून १२६ जादा एसटीचे आरक्षण आतापर्यंत फुल्ल झाले आहे. यामध्ये ग्रुप बुकिंगच्या एसटीचादेखील समावेश आहे.

मुंबईतून कोकणात होणारी होळी जादा वाहतूक (२० ते २५ मार्च)

विभाग-----ग्रुप बुकिंग----आरक्षण------एकूण

मुंबई------४२------------५१---------९३
पालघर-------११---------९----------२०
ठाणे-----------२०------१०६------------१२६
एकूण--------७३--------१६६----------२३९s