मुंबईत मत्रालयातून सतत कोणत्या ना कोणत्या अपप्रकार घडल्याच्या बातम्या समोर येत असतात. आता अशात आणखी एक धक्कादायक घटना समोर आली आहे. उपमुख्यमंत्री तसेच गृहमंत्री असलेल्या देवेंद्र फडणवीस यांच्या मंत्रालयातील कार्यालयात घुसून एका महिलेने तोडफोड केल्याचे समोर आले आहे. त्यामुळे मंत्रालयाची सुरक्षा वाऱ्यावर सोडली आहे का असा संतप्त सवाल नागरिक करत आहेत.
दरम्यान मंत्रालयात कायमच मोठा बंदोबस्त असतो आणि अशात थेट गृहमंत्री असलेल्या देवेंद्र फडणवीस यांच्या कार्यालयाची तोडफोड आणि नासधूस होण्याची घटना कशी काय घडू शकते असा प्रश्न उपस्थित केला जात आहे.
दरम्यान इतकी सुरक्षा असूनही असा प्रकार घडल्यामुळे गृहमंत्री असलेल्या देवेंद्र फडणवीस यांचेच कार्यालय सुरक्षित नसल्याच्या चर्चा सुरू झाल्या आहेत.
फडणवीस यांच्या कार्यालयात घुसून तोडफोड करणारी महिला मंत्रालयात प्रवेश करण्यासाठी आवश्यक असलेल्या पासशिवाय सचिव गेटमधून मंत्रालयात आली आणि थेट घोषणाबाजी करत तोडफोड करू लागली.
दरम्यान या प्रकरणाची पोलिसांनी गंभीर दखल घेतली असून तिचा शोध सुरू आहे. अद्याप या महिलेला पोलिसांनी ताब्यात घेतल्याचे कोणतेही वृत्त नाही.
हा प्रकार समोर आल्यानंतर अनेक मंत्री, आमदार आणि नेत्यांनी मंत्रालयाच्या सुरक्षेतेबाबत चिंता व्यक्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.