कल्याण : कल्याण पूर्व मधील आनंदवाडी येथिल 50 ते 75 नागरिकांना क्वारंटाईन करण्याचा निर्णय पालिकेच्या आरोग्य विभागाने घेतला आहे. मात्र, नागरिकांचा त्याला विरोध केल्यामुळे पोलिसांची मदत घेऊन पुढील उपाययोजना करू, अशी माहिती पालिका वैद्यकीय आरोग्य विभाग साथ रोग नियंत्रक अधिकारी डॉ. प्रतिभा पानपाटील यांनी दिली.
आनंदवाडी मपरिसरात कोरोना बाधितांची संख्या वाढत असल्याने पालिका प्रशासनावर टिकेची झोड उठली होती. त्यामुळे मंगळवारी सकाळ पासून पालिकेने येथे स्वच्छता करण्यास सुरुवात केली आहे.
आनंदवाडी येथे 18 ते 20 हजार लोकसंख्या असून मागील 21 मे पासून 10 हुन अधिक कोरोना बाधित रुग्ण आढळून आले आहेत. त्यापैकी एकाच घरात सात रुग्ण आढल्याने एकच खळबळ माजली आहे. माजी नगरसेवक प्रमोद पिंगळे यांनी पालिका प्रशासनाकडे पाठपुरावा केल्यानंतर मंगळवारी प्रभाग क्षेत्र अधिकारी भारत पाटील यांनी आनंदवाडी परिसरात जाऊन बाजारपेठेतील दुकाने बंद केली, तसेच घरपोच सेवेसाठी दुकान सुरू ठेवण्याच्या सूचना दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.