एका एचआर मॅनेजरने लिंक्डइनवर पोस्ट केलेल्या अलीकडील नोकरीच्या भरतीच्या जाहीरातीवरुन सोशल मीडियावर चांगलीच नाराजी पसरली होती. गुजरातमधील फ्रीलान्स एचआर रिक्रूटर आणि सल्लागार यांनी ग्राफिक डिझायनरच्या भूमिकेसाठी मुंबईत नोकरीची जागा शेअर केली होती. पण त्यात मालकाची अट होती की, 'इथे मराठी लोकांचे स्वागत नाही,' यामुळे सोशम मीडियावर वातावरण पेटले होते.

दरम्यान संबंधित एचआर मॅनेजरने माफी मागितली आहे. सोशल मीडिया नेटकऱ्यांनी नोकरीच्या जाहीरातीवरुन टीका केली होती. मराठी भाषिकांची सर्वाधिक संख्या असलेल्या महाराष्ट्राला नोकऱ्यांच्या संधींपासून वंचित ठेवले जात असल्याकडे काही नेटकऱ्यांनी लक्ष वेधले होते.

तर काहींनी मराठी लोकांना भेदभावाला सामोरे जावे लागण्याची ही पहिलीच वेळ नाही. अनेक ठिकाणी असे पक्षपाती धोरण राबवण्यात येते, असे देखील काहींनी म्हटले होते. (Mumbai news in marathi)

एचआर मॅनेजरने मागितली माफी-

मी मनापासून माफी मागते, काही दिवसांपूर्वी मी ग्राफिक डिझायनरसाठी एक पोस्ट टाकली होती आणि एका आक्षेपार्ह वाक्यामुळे अनेकांच्या भावना दुखावल्या गेल्या होत्या. ज्यात कोणाशीही भेदभाव केला जातो, अशा भूमिकेचे मी समर्थन करत नाही. हे माझ्या नजरचुकीमुळे झालं आहे.