मुंबई : पंतप्रधान नरेंद्र मोदी यांनी वटहुकूम जारी करून अपवादात्मक वर्षं म्हणून सर्वच राज्यातील अंतिम सत्रातील विद्यार्थ्यांना तसेच एटीकेटी, बॅकलॉगच्या विद्यार्थ्यांनादेखील सरसकट उत्तीर्ण करून पुढील वर्गात प्रवेश द्यावा तसेच विद्यार्थ्यांच्या हिताचा विचार न करणाऱ्या राज्यपालांची पदावरून हक्कलपट्टी करावी, अशी मागणी विद्यार्थी भारती छात्र संघटनेच्या राज्य अध्यक्षा मंजिरी धुरी यांनी केली आहे.

Good Morning Mumbai...! नव्या चैतन्यासह मुंबईकरांचा मॉर्निंग वॉक सुरू; मरीन ड्राईव्ह, शिवाजी पार्क पुन्हा गजबजले

10 लाख विद्यार्थ्यांना कोरोना झालाच तर त्याची जबाबदारी, परीक्षा घेण्याचा अट्टाहास असलेले राज्यपाल स्वतः घेतील का? असा सवाल विद्यार्थी भारतीचे राज्य कार्याध्यक्ष प्रणय घरत यांनी उपस्थित केला.

राज्यपाल हटवा मोहीम
राज्यपालांना आपल्या हिताचा विचार करायचा नसेल, तर त्यांना पदावरून काढून टाकण्याच्या मागणीसाठी ’#राज्यपालहटवामहाराष्ट्र_वाचवा’ ही मोहीम राबवावी लागेल असे राज्यसचिव जितेश पाटील यांनी म्हटले आहे.

'ते' प्रवासी अत्यावश्यक सेवेतील की सामान्य? पोलिसांचा ताप वाढला; टॅक्सीचालकही हतबल

...तर "झोप मोड आंदोलन" करू
कोरोनाच्या काळातही परीक्षा घेतल्या गेल्या, तर विद्यार्थी भारतीतर्फे राज्यपालांच्या बंगल्यावर "झोप मोड आंदोलन" करण्यात येईल व परीक्षांवरही बहिष्कार टाकण्यात येईल, असा इशारा मंजिरी धुरी यांनी दिला आहे.