पुणे : "सर्वसामान्य माणूस (common Man) आणि विद्वान यांच्यात एक प्रकारची दरी आहे. सामान्यांना समजेल अशा भाषेत नवीन तंत्रज्ञानाचा (technology) आधार घेऊन आपला इतिहास, सांस्कृतिक वारसा पुढील पिढीपर्यंत पोचविण्यासाठी भांडारकर संस्थेने पुढाकार घ्यावा, अशी अपेक्षा केंद्रीय रस्ते वाहतूक आणि महामार्ग मंत्री नितीन गडकरी (Nitin Gadkari) यांनी व्यक्त केली.

भांडारकर प्राच्य विद्या संशोधन | संस्थेच्यावतीने पहिला 'सर रामकृष्ण गोपाळ भांडारकर पुरस्कार' डेक्कन कॉलेज अभिमत विद्यापीठाचे माजी कुलपती, पुरातत्व संशोधक डॉ. गो. बं. देगलूरकर यांना प्रदान करण्यात आला. या वेळी गडकरी बोलत होते. प्रमुख पाहणे म्हणून शिवशाहीर बाबासाहेब पुरंदरे उपस्थित होते. उद्योगपती व भांडारकर संस्थेच्या नियामक मंडळाचे अध्यक्ष अभय फिरोदिया अध्यक्षस्थानी होते. मानपत्र, भांडारकरी पगडी, एक लाख रुपये, शाल व श्रीफळ असे पुरस्काराचे स्वरूप आहे. पुरंदरे यांनी संस्थेला एक लाख रुपये देणगी देणार असल्याचे सांगितले.

पुरस्काराने मनावर जबाबदारीचे ओझे पडल्याची भावना झाली आहे. हा पुरस्कार आणखी खूप काम करण्याचा जणू संदेशच आहे.. - डॉ. देगलूरकर, पुरातत्त्व संशोधक