मुंबई: मानखुर्द मध्ये राहणारे प्रसिद्ध शाहिर सुनील साठे (sunil sathe) यांच्यावर जीवघेणा हल्ला (life threatening attack) झाल्याची घटना समोर आली आहे. साठे ज्या परिसरात राहतात, त्या परिसराचे पुनर्वसन हे विकासक भैरव इरेक्टर्स प्रा. लि हे करत होते.

कामात दिरंगाई व पारदर्शकता नसल्यामुळे साठेंसह काही रहिवाशांनी वांद्रे प्राधिकरण कार्यालयात विकासक बदली व्हावा म्हणून अर्ज केला होता. याचा राग आल्याने त्याच परिसरातील आरोपींनी साठे यांच्यासह काही जणांना गंभीर मारहाण केल्याचे तक्रारीत म्हटले आहे.

या प्रकरणी मानखुर्द पोलिस ठाण्यात गुन्हा दाखल करण्यात आला असून अक्षय कंठे नावाच्या आरोपीला पोलिसांनी अटक केली आहे. तर इतर आरोपींचा पोलिस शोध घेत आहेत.