मुंबई: मुंबई लोकलमध्ये (Mumbai local) नेहमीच चोरीच्या (theft cases) घटना घडत असतात. अनेकदा चोरटे आपलं काम करुन सहज निसटतात. पण अपवादात्मक परिस्थितीत एखादा चोर पकडला गेला, तर त्याला पोलिसांच्या (police) स्वाधीन करण्याआधी प्रवाशांकडूनच धडा शिकवला जातो. मुंबई लोकल मध्ये अशाच एका चोरट्याला प्रवाशांनी (commuters) बेदम चोप दिल्याचा व्हिडीओ समोर आला आहे.

मुलुंड स्थानकात ही घटना घडली. मुलुंड ते मुंब्रा दरम्यान धावत्या लोकल मध्ये या चोराला प्रवाशांनी मारहाण केली. हे दोघे चोरटे पर्स आणि मोबाईल चोरत असल्याचा प्रवाशांना संशय आला. यातील एका चोराने प्रवाशाची पर्स चोरी करण्याचा प्रयत्न केला. मात्र तो पकडला गेला. त्यामुळे त्याला आणि त्याच्या साथीदाराला पळून जाताना प्रवाशांनी पकडले आणि थेट घेरले.

या दोन्ही चोरांना सीटच्या मध्ये ठेऊन त्यांना सर्वांनी चोप दिला. ही घटना मुलुंड वरून संध्याकाळी 7.44 च्या कल्याण लोकल मध्ये घडली. अखेर मुंब्रा स्टेशनला रेल्वे पोलीस डब्यात चढले आणि त्यांनी या दोघांना ताब्यात घेतलं. तोपर्यंत प्रवाशांनी त्यांची पब्लिक धुलाई केली.