मुंबई : भारतीय स्वातंत्र्याच्या (independence day) अमृत महोत्सवी वर्षास 15 ऑगस्टपासून प्रारंभ होत आहे. यानिमित्ताने टाटा हाऊसिंग कंपनीने (tata housing company) देशातील 16 प्रकल्पांसाठी (project) हॅपी 74 योजना जाहीर केली आहे. त्यानुसार या योजनांमध्ये घरे खरेदी करणाऱ्या ग्राहकांना (home purchasing customers) मुद्रांक शुल्काच्या रक्कमेत (stamp duty) तब्बल 74 टक्के सवलत देण्यात आली आहे. या योजनेचा लाभ ग्राहकांना 30 ऑगस्टपर्यंत घेता येणार आहे.

नोटबंदी, जीएसटी आणि त्यापाठोपाठ आलेल्या कोरोनामुळे बांधकाम क्षेत्राला मोठा फटका बसला आहे. घर खरेदीला चालना देण्यासाठी सरकारने मुद्रांक शुल्कात सवलत दिली. या कालाधित ग्राहकांनी मोठ्या प्रमाणात घर खरेदी केली. ही सवलत वाढवावी अशी मागणी विकासकांच्या संघटनांकडून होत आहे.

मात्र त्याला सरकारकडून कोणताही प्रतिसाद मिळालेला नाही. त्यामुळे बांधकाम क्षेत्रात अग्रगण्य असलेल्या टाटा हाऊसिंग कंपनीने स्वातंत्र्याच्या अमृत महोत्सवी वर्षानिमित्त घर खरेदीदारांना दिलासा देणारी घोषणा केली आहे. त्यानुसार 30 ऑगस्ट पर्यंत घर खरेदी करणाऱ्या ग्राहकांना 74 टक्के मुद्रांक शुल्क सवलतीचा लाभ घेता येणार आहे. या योजनेचा लाभ घेणाऱ्या ग्राहकांना 20 लाख ते 5 कोटी रुपयांपर्यंतची सवलत मिळणार असल्याचा दावा कंपनीने केला आहे.