मुंबई : मराठी भाषेला अभिजात दर्जा मिळवून देण्यासाठी केंद्र सरकारकडे पाठपुरावा करावा. राज्याच्या सीमाभागात मराठी भाषेचा प्रचार व प्रसारासाठी उपक्रम राबवावेत, असे निर्देश मराठी भाषा राज्यमंत्री डॉ. विश्‍वजित कदम यांनी दिले आहेत. 

मोठी बातमी भाजपाला मोठं खिंडार पाडण्यासाठी शिवसेना आणि राष्ट्रवादीचा मेगाप्लान.

मराठी भाषा विभागाच्या विविध उपक्रमांची आढावा बैठक डॉ. विश्‍वजित कदम यांच्या अध्यक्षतेखाली झाली. त्यावेळी ते बोलत होते. मराठी भाषा विभागाच्या सचिव प्राजक्ता लवंगारे वर्मा यांनी सादरीकरण केले. मराठी भाषा विभागांतर्गत राज्य मराठी विकास संस्था, भाषा संचालनालय, महाराष्ट्र राज्य मराठी विश्‍वकोश निर्मिती मंडळ, महाराष्ट्र राज्य साहित्य आणि संस्कृती मंडळ आदी विविध उपक्रमांचा आढावा डॉ. कदम यांनी घेतला.

हे वाचलेय का...  प्रेमवीरांनो सावधान...लव्हगुरूचा लाखोंचा गंडा

मराठी भाषेला अभिजात दर्जा देण्यासंबंधीचा प्रस्ताव केंद्राकडे प्रलंबित आहे; त्याचा पाठपुरावा करावा. त्यासाठी विविध क्षेत्रांतील मराठी मान्यवरांची मदत घेता येईल, असे निर्देश डॉ. कदम यांनी दिले. तरुण पिढीला मराठी भाषेची गोडी लागावी, यासाठी उपक्रम सुरू करावेत. मराठी चित्रपटसृष्टीचे मराठी भाषेला योगदान आहे. त्यामुळे या क्षेत्रातील गीतकार, पटकथाकारांना; तसेच संकेतस्थळांवर मराठीचा प्रसार करणाऱ्यांना पुरस्कार देण्याचाही विचार व्हावा, अशी सूचनाही त्यांनी केली.

ही बातमी सुद्धा वाचा भीतीदायक...भूसुरुंग स्फोटामुळे पोलादपूर हादरले

यूट्यूबवर बालगीते, कथा यांच्या छोट्या चित्रफिती तयार कराव्यात, असेही त्यांनी सांगितले. यावेळी मराठी भाषा विभागाच्या सहसचिव अपर्णा गावडे, राज्य मराठी विकास संस्थेच्या संचालक मीनाक्षी पाटील, भाषा संचालक नंदा राऊत, मराठी विश्‍वकोश निर्मिती मंडळाचे सचिव हर्षवर्धन जाधव आदी उपस्थित होते.
An initiative for Marathi Language to spread Marathi across the border