मुंबई : आंगडिया व्यावसायिकाकडून खंडणी उकळल्या प्रकरणी पोलीस उपायुक्त सौरभ त्रिपाठी (IPS Saurabh Tripathi) यांना मुंबई पोलिसांनी फरार आरोपी (Absconding accused) म्हणून घोषीत केले आहे. आतापर्यंत या प्रकरणात तीन पोलीस अधिकाऱ्यांना अटक (three police arrested) करण्यात आली आहे. लोकमान्य टिळक मार्ग पोलिस स्टेशनमध्ये कार्यरत होते. पोलीस निरीक्षक ओम वंगाटे यांची झालेल्या पोलीस चौकशीतून (Police investigation) सौरभ त्रिपाठी यांचे नाव बाहेर आले. वंगाटे याना मंगळवारी कोर्टापुढे सादर करण्यात आले, कोर्टाने त्यांची पोलीस कोठडीत 18 मार्च पर्यंत वाढ केली.

सौरभ त्रिपाठी हे या परिमंडळाचे पोलीस उपायुक्त असताना आंगडाई व्यावसायिकाना धाक दाखवून त्याच्याकडून खंडणी वसूल करण्याचे प्रकार सुरु होते. हे प्रकरण उजेडात आल्यानंतर त्रिपाठी यांची बदली करण्यात आली होती.तीन पोलीस अधिकाऱ्यांना अटक केल्यानंतरही त्रिपाठी यांच्याविरुद्ध तक्रार दाखल करण्यात आली नव्हती. मात्र वंगाटे यांच्या चौकशीतून त्रिपाठी यांनीच आगडिया व्यावसायिकाकडून पैसे गोळा करण्यास सांगितल्याचे स्पष्ट झाले असल्याचे एका पोलीस अधिकाऱ्याने सांगितले.