नितीन बिनेकर,सकाळ वृत्तसेवा

Jaipur-Mumbai Exp Firing - जयपूर- मुंबई एक्सप्रेसमध्ये गोळीबार करून चौघांना ठार केल्यानंतर आरोपी चेतन सिंहने त्याची रेणू सिंह यांना कॉल केला.' जे व्हायचे ते झाले, आता तू मुलांची काळजी घे.

त्यांचा नीट सांभाळ कर. असं सांगितले. या संभाषनानंतर दहिसर ते मीरा रोड दरम्यान ट्रेन थांबल्यावर चेतन ट्रेनमधून खाली उतरून मीरा रोड स्थानकाच्या दिशेने निघाला होता. पोलीस तपासात हि बाब समोर आली आहे.

पत्नी,आईची चौकशी

जयपूर-मुंबई एक्सप्रेसमधील गोळीबार प्रकरणाची लोहमार्ग पोलीस, रेल्वे सुरक्षा दल आणि एटीएस कडून स्वतंत्र चौकशी सुरु आहे.चेतन सिह यांच्या पत्नी आणि आई शनिवारी (ता.5)ला मुंबईत आल्या आहेत. दोघांचाही जबाब पोलिसांनी बोरिवली येथे नोंदवला.

दोघांचीही चौकशी करण्यात आली. आरोपी चेतन सिंह याचा स्वभाव, आजार आणि तो काय वाचत होता यासंदर्भातील विविध प्रश्न त्यांना पोलिसांनी विचारल्याचे समजते.

रेणू सिंह हिने चेतनच्या मानसिक आजारासंदर्भात माहिती आणि संबंधित कागदपत्रेही तपास अधिकाऱ्याकडे सुपूर्द केल्याची माहिती आहे.

सिन रिक्रियेट

पोलीस तपासता वारंवार चेतन सिह आपल्या मुलांना आणि कुटूंबियांची आठवण करीत आहे. तसेच पत्नीशी भेटू देण्याची विनंतीही त्याने अनेकदा पोलिसांकडे केली.

पोलिसांनी या संपूर्ण घटनेचा सिन रिक्रिएट केला आहे. या मुंबई सेंट्रल यार्डमध्ये सीलबंद बी -४ ते एस -६ डब्यांची तपासणी करून ते दृश्य पुन्हा तयार केले.

यावेळी रेल्वे पोलिसांसोबत आरपीएफ कॉन्स्टेबल अमय आचार्यही उपस्थित होते. गोळीबाराची घटना घडली त्यादिवशी अमय आचार्य ट्रेन एस्कॉर्टिंग टीममध्ये सामील होते.