डोंबिवली : रिक्षा चोरून (Auto rickshaw robbery) त्याची विक्री करणाऱ्या सराईत चोरट्यास (Thief arrested) पकडण्यात कल्याण (kalyan) गुन्हे अन्वेषण विभागास (CID) यश आहे आहे. हा चोरटा 17 वर्षाचा असून त्याच्या नावावर 7 चोरीचे गुन्हे दाखल (robbery cases) असल्याची माहिती तपासात उघड झाली आहे. कल्याण गुन्हे अन्वेषण विभागाने त्याला अटक केली असून 3 गुन्हे उघडकीस आणले आहेत.

मानपाडा रोड येथे एक चोरीची ऑटो रिक्षा विक्रीसाठी येणार असल्याची माहिती कल्याण गुन्हे अन्वेषण विभागाला मिळाली होती. त्यानुसार वरिष्ठ पोलीस निरीक्षक विलास पाटील, फौजदार मोहन कळमकर, हवालदार दत्ताराम भोसले, राजेंद्र खिलारे यांच्या पथकाने क्लासिक हॉटेल समोर सापळा रचून पोलिसांनी एका व्यक्तीस ताब्यात घेतले. तपासात त्याच्याकडून 2 लाख 30 हजार रुपये किंमतीच्या तीन रिक्षा जप्त करण्यात आल्या. यातील एक रिक्षा चोरीला गेल्याची तक्रार ठाणे येथील कासारवडवली पोलीस ठाण्यात नोंद करण्यात आली आहे. तसेच त्याच्यावर डोंबिवली पोलीस ठाण्यात 4 व तुर्भे, दिंडोशी व कोळसेवाडी पोलीस ठाण्यात प्रत्येकी 1 चोरीचा गुन्हा दाखल आहे. या 17 वर्षीय अल्पवयीन बालकास पुढील कायदेशीर कारवाईसाठी कासारवडवली पोलिसांच्या ताब्यात देण्यात आले आहे.