कल्याण पश्चिम येथील बिस्मिल्ला हॉटेल जवळ एका चाळीतील रूममध्ये एक व्यक्ती गायी व म्हशी पानवान्याकरीता देण्यात येणारे ऑक्सीटोसीन इंजेक्शन बनविण्याकरीता लागणारे औषध एक इसम अनधिकृतपणे उत्पादन करीत असल्याची माहिती कल्याण गुन्हे शाखेस मिळाली होती. अन्न व औषध प्रशासन, कोकण विभागाचे औषध निरीक्षक संजय मोहनसिंग राठोड यांना मंगळवारी कल्याण गुन्हे शाखेने कारवाईसाठी बोलावून घेतले.

मिळालेल्या माहितीनुसार सापळा रचून पोलिसांनी मसी याला ताब्यात घेतले. चौकशीत त्याने निस्सार मौलवी चाळीत भाड्यावर रून घेतली होती. त्यामध्ये गायी व म्हशी पानवान्याकरीता देण्यात येणारे ऑक्सीटोसीन इंजेक्शन मध्ये वापरले जाणारे औषधी इव्याचे उत्पादन तो करीत आहे. सदर रूममध्ये पोलिसांनी छापा टाकला असता तेथून तयार करण्यात आलेले इंजेक्शन, त्यासाठी लागणारा कच्चा माल, मशीन जप्त करण्यात आले आहे.

या इंजेक्शनमुळे गायी व म्हशीच्या आरोग्यास धोका निर्माण होत असल्याने तसेच ऑक्सीटोसिन इंजेक्शन दिलेल्या गायी म्हशीच्या दुधापासुन मानवी आरोग्यास धोका निर्माण होत असल्याने मसी याच्या विरोधात बाजारपेठ पोलीस ठाण्यात औषधे व सौंदर्य प्रसाधणे कायदा व प्राण्यांना कुरतेने वागवण्यास प्रतिबंध करण्याबाबत गुन्हा दाखल करण्यात आला आहे. याचा पुढील तपास गुन्हे शाखेचे सहाय्यक पोलीस निरीक्षक संदीप चव्हाण करत आहेत.