डोंबिवली : न्यायालयीन कोठडीत (Judicial custody) असलेल्या आईला जामीन मिळवून (Granting bail) देतो असे सांगत एका व्यक्तीने 14 वर्षीय मुलीवर अत्याचार केल्याची (minor girl molestation) घटना उघडकीस आली आहे. कल्याण पूर्वेत (kalyan) ही घटना घडली असून याप्रकरणी मानपाडा पोलीस ठाण्यात (Manpada police station) पोक्सो (Pocso) अंतर्गत गुन्हा दाखल (police FIR) करण्यात आला आहे.

पीडित मुलीची आई ड्रग्ज प्रकरणात न्यायालयीन कोठडीत आहे. आईला जेल मधून बाहेर काढण्यासाठी जामीन मिळवून देतो असे आमिष दाखवून प्रदीप नावाच्या तोंडओळख असलेल्या एका व्यक्तीने पीडित मुलीला एका हॉटेलमध्ये बोलावून घेतले.

त्यानंतर तिच्यावर अत्याचार केला. 30 ऑक्टोबरला ही घटना घडली असून या प्रकरणी मानपाडा पोलीस ठाण्यात शनिवारी पोक्सो अंतर्गत गुन्हा दाखल करण्यात आला आहे. मानपाडा पोलीस आरोपीचा शोध घेत आहेत.