Kalyan Crime:कल्याणमध्ये एक धक्कादायक प्रकार घडला आहे. कल्याण पूर्वेत एका तरुणीचा विनयभंग केल्याची घटना घडली आहे. शनिवारी (दि.१४ ऑक्टोबर) मध्यरात्रीच्या सुमारात ही घटना घडली. ही मुलगी नवी मुंबईहून कल्याणच्या दिशेने कॅबने येत होते, यावेळी कॅब चालकाने तिचा गैरफायदा घेण्याचा प्रयत्न केला.

त्यानंतर तरुणीने आरडाओरड करताच कॅब चालकाने पळ काढला. त्यानंतर मुलीने थेट पोलिस ठाण्यात धाव घेतली आणि घडलेला प्रकार पोलिसांना सांगितला. पोलिसांनी या कॅब चालकाविरोधात तक्रार नोंदवली आहे.

ही तरुणी नवी मुंबईतील एका कंपनीच्या कार्यालयात कामाला आहे. काल रात्री ती काम झाल्यावर घरी येण्यासाठी निघाली. यावेळी तिने एक कॅब बुक केली. ज्यावेळी प्रवास सुरु झाला, तेव्हा अचानक चालकाने तिचा विनयभंग करायला सुरुवात केली. त्यानंतर तरुणीने स्वत:चा बचाव करण्यासाठी मदतीसाठी आरडाओरड केली. तेव्हा चालकाने तेथून पळ काढला. पीडित मुलीने कल्याणमधील कोळशेवाडी पोलीस ठाण्यात कॅब चालक राकेश मिश्रा विरोधात गुन्हा दाखल केला आहे. पोलिसांनी या कॅब चालकाचा चालकाचा शोध सुरु केला आहे.

कल्याणनजिकच्या परिसरात मागच्या काही महिन्यांपासून विनयभंगाच्या घटनांमध्ये वाढ होते. त्यामुळे महिला सुरक्षेचा प्रश्न पुन्हा ऐरणीवर आला आहे. (Latest Marathi News)