नेरळ : कर्जत-खालापूर (Karjat-Khalapur) तालुक्यातील दिव्यांग (Handicapped) व्यक्तींना शासनाच्या विविध योजनेतुन लाभ मिळावा यासाठी रायगड (Raigad) जिल्हा परिषदेचे उपाध्यक्ष सुधाकर घारे (Sudhakar Ghare) यांनी केलेले प्रयत्न कामी आले आहेत. रायगड (Raigad) जिल्हा परिषद समाजकल्याण विभागामार्फत 2020-21 या आर्थिक वर्षात तब्बल 64 लाभार्थींना वैयक्तिक योजनेचा लाभ देण्यात आला आहे.

रायगड जिल्हा परिषदेच्या 2020-21 या आर्थिक वर्षात समाजकल्याण विभागामार्फत कर्जत खालापूर तालुक्यातील जास्तीत जास्त लाभार्थी यांना लाभ मिळावा अशी सूचना कर्जतचे माजी आमदार सुरेश लाड यांनी रायगड जिल्हा परिषदेला केली होती.जिल्हा परिषदेचे उपाध्यक्ष आणि शिक्षण तसेच आरोग्य समितीचे सभापती सुधाकर परशुराम घारे यांनी कर्जत आणि खालापूर तालुक्यातील 64 लाभार्थी यांना वैयक्तिक लाभ मिळवून दिला आहे.वैयक्तिक गटात प्रस्ताव सादर करणाऱ्या सर्व 64 दिव्यांग व्यक्तींना वैयक्तिक शासकीय योजना मंजूरी जिल्हा परिषद समाज कल्याण विभागाने दिली आहे. मिळविण्यात आली.त्यामुळे कर्जत खालापूर तालुक्यातील दिव्यांग व्यक्तींना एवढ्या मोठ्या प्रमाणात वैयक्तिक योजनांचा लाभ मिळणार असल्याने दिव्यांग मिळल्याचे पाहायला मिळाले आहे.

समाजकल्याण विभागाकडून कर्जत तालुक्यातील तब्बल 38 दिव्यांग लाभार्थ्यांना दिव्यांग व्यक्तींना घरघंटीचा लाभ देण्यात आला आहे.तर खलापूर तालुक्यातील तीन लाभार्थी यांना आणि कर्जत तालुक्यातील आठ लाभार्थी अशा 11दिव्यांग लाभार्थी यांना झेरॉक्स मशीन चा लाभ देण्यात आला आहे.

तसेच कर्जत तालुक्यातील 11 दिव्यांग लाभार्थी यांना घरकुल मंजूर झाले असून खालापूर तालुक्यातील एका लाभार्थ्यांला पत्रावळी बनवण्याचे मशीन मंजूर झाले आहे तर खालापूर तालुक्यातील तीन दिव्यांग लाभार्थ्यांना शेवया बनविण्याचे मशीन मंजूर झाले असल्याची माहिती रायगड जिल्हा परिषदेचे उपाध्यक्ष सुधाकर घारे यांनी दिली आहे.