मुंबई : खलिस्तानविषयी संपादकीय प्रसारित केल्याच्या निमित्ताने डिजिटल वृत्तवाहिनीच्या व्यवस्थापकीय संपादकांना धमकी दिल्याचा प्रकार उघडकीस आला होता. याप्रकरणी वृत्तवाहिनीने केलेल्या तक्रारीवरून अंधेरीतील एमआयडीसी पोलिसांनी गुरुवारी अज्ञात व्यक्तीविरोधात गुन्हा दाखल केला होतो.

पोलीस तपासाअंती गैरसमजातून घटना घडल्याचे उघड झाले आहे. आरोपीने कारणास्तव काही मुद्यावर भाष्य टाळण्याचा सल्ल्याला गैरसमजुतीने धमकी समजल्याचे पोलीस सूत्रांनी माहिती दिली आहे. डिजिटल वृत्तवाहिनी व संकेतस्थळ असलेल्या या वाहिनीच्या उपाध्यक्षांनी याप्रकरणी एमआयडीसी पोलिसांकडे तक्रार केली होती.

वृत्तवाहिनीच्या संपादकांनी बुधवारी 27 सप्टेंबर रोजी ‘खलिस्तान’ या विषयावर संपादकीय प्रसारित केले होते. त्याच दिवशी रात्री वाहिनीच्या कार्यालयात गुरिंदर नावाच्या व्यक्तीने दूरध्वनी केला.

पंजाबमधील चंदिगड येथून बोलत असून आपल्याला वाहिनीच्या व्यवस्थापकीय संपादकाशी बोलायचे असल्याचे त्याने सांगितले. मात्र व्यवस्थापकीय संपादक कार्यालयात नसल्याचे कॉलवर बोलण्याला सांगण्यात आले.

त्यावेळी त्याने संपादकीय बंद करा, हा इशारा म्हणून घ्या, अशी धमकी दिली. त्यानंतर वृत्तवाहिनीच्या व्यवस्थापनाने याप्रकरणी तक्रार केल्यानंतर पोलिसांनी आरोपी विरोधात गुन्हा दाखल केला होता.पोलीस तपासाअंती गैरसमजातून घटना घडल्याचे उघड झाले आहे. आरोपीने कारणास्तव काही मुद्यावर भाष्य टाळण्याचा सल्ल्याला गैरसमजुतीने धमकी समजल्याचे पोलीस सूत्रांनी माहिती दिली आहे