मुंबई - साडेपाच वर्षांच्या मुलीचे अपहरण केल्याप्रकरणी मुंबई पोलिस आणि रेल्वे पोलिसांच्या संयुक्त कारवाईत धावत्या ट्रेनमधून अपहरकर्त्यांला गुरूवारी अटक करण्यात आली आहे. रोतीन घोष असे 35 वर्षीय आरोपी मध्य मुंबईतील कामाठीपुरा येथील रहिवासी आहे. त्याच परिसरात वास्तव्य असलेल्या अपहरण झालेल्या मुलाची आई वास्तव्यास आहे. आरोपी आणि मुलीच्या आईचे नातेसंबंध होते. पण नंतर त्यांच्यात मतभेद झाले.
5 सप्टेंबरला मंगळवारी काही निमित्ताने दोघात परत एकदा वाद झाला. वादानंतर आरोपीने महिलेच्या लहान मुलीला जबरदस्ती आपल्या सोबत नेले. यानंतर मुलीच्या आईने मंगळवारी नागपाडा पोलिस ठाण्यात अपहरणाचा गुन्हा दाखल केला. घोषला पकडण्यासाठी नागपाडा पोलिसांची सहा पथके तयार करण्यात आली होती.आरोपी मुलीसह शहरातून पळून जाण्याचा प्रयत्न करणार असल्याचे पोलिसाना माहिती मिळाली.
तांत्रिक विश्लेषणातून घोष नाशिकच्या इगतपुरीजवळ असल्याचे पोलिसांना दिसून आले. तसेच पोलिसांना शालिमार एक्स्प्रेसमधून आरोपी प्रवास करत असल्याचे आढळले. जीआरपीच्या पथकाने शालिमार एक्स्प्रेसमध्ये शिरून ट्रेन बुलढाण्यातील शेगावजवळ असताना घोषला पकडले. त्यानंतर त्याला मुंबईत आणण्यात आले. त्यानंतर अपहरणाच्या गुन्ह्याच्या संदर्भात त्याला नागपाडा पोलिसानी अटक केली. मुंबईत आल्यानंतर मुलीला परत आईच्या ताब्यात देण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.