Kiran Mane On Salman Khan House Firing : अभिनेता सलमान खान याच्या वांद्रे येथील गॅलेक्सी अपार्टमेंटमधील घराबाहेर अज्ञात हल्लेखोरांनी गोळीबार केल्याचा प्रकार समोर आला. या घटनेनंतर एकच खळबळ उडाल्याचे पाहायाला मिळाले. विवारी 15 एप्रिलला झालेल्या या हल्ल्यानंतर प्रशासनाकडून याची गंभीर दखल घेण्यात आली आहे. यादरम्यान अभिनेते किरण माने यांनी केलेली सोशल मीडिया पोस्ट चांगलीच चर्चेत आली आहे.

किरण माने यांनी त्यांच्या फेसबुक अकाउंटवरून एक पोस्ट शेअर केली असून यामुळे वेगवेगळ्या चर्नांना सुरुवात झाली आहे. चित्रपटाच्या स्क्रिप्ट प्रमाणे लिहिण्यात आलेल्या या पोस्टमध्ये राजकीय घडामोडी आणि केंद्रीय तपास यंत्राणांकडून विरोधकांवर होत असलेल्या कारवाईचे संदर्श किरण माने यांनी दिले आहेत.

किरण मानेंनी पोस्टमध्ये काय म्हटलंय?

स्क्रीनप्ले...

सिनेमाच्या सुरूवातीला एकामागोमाग एक काही प्रसंग दिसतात

1

सलमान खानला एका पक्षाचा पदाधिकारी भेटतो. मुस्लिम मतदारांना आकर्षित करून घेण्यासाठी पक्ष प्रचार करावा अशी विनंती करतो.

सलमान खान नम्रपणे नकार देतो.

कट टू

सलमान खानच्या घरावर गोळीबार होतो. बिश्नोई 'जय श्रीराम'चा नारा देत घेतो गोळीबाराची जबाबदारी.

-----------

2

शिवसेनेकडून उद्धव ठाकरे लोकप्रिय नेते अमोल किर्तीकर यांची उमेदवारी जाहीर करतात.

कट टू

अमोल किर्तीकरांवर ईडीची धाड पडते.

------------------

3

राष्ट्रवादीकडून शरद पवार धडाडीचे नेते शशिकांत शिंदे यांची उमेदवारी जाहीर करतात.

कट टू

शशिकांत शिंदेंनी एपीएमसी मार्केटमध्ये घोटाळा केला आहे त्यांची चौकशी व्हावी अशी भाजपाकडून मागणी होते.

---------------

4

पडद्यावर सिनेमाचं टायटल येतं

'डरना जरूरी है !'

---------------------

पुढे एकेक सिन्स तुम्ही वाढवू शकता.

- किरण माने

दरम्यान सलमान खानच्या घराबाहेर गोळीबाराच्या घटनेनंतर पोलिसांनी तात्काळ तपासला सुरुवात करत आसपासचे सर्व सीसीटीव्ही फुटेज तपासले. यावेळी प्रत्यक्षदर्शींची चौकशी केली. या फुटेजमधून गोळीबार करणाऱ्यांची ओळख पटवण्यात पोलिसांना यश आले. सूत्रांच्या माहितीनुसार, सीसीटीव्ही फुटेजमध्ये दिसणारा हल्लेखोर विशाल उर्फ काळू नावाचा गुंड असल्याचा पोलिसांचा अंदाज आहे. विशाल हा रोहित गोदारा गँगशी संबंधित आहे.