नवी मुंबई : रबाळे परिसरात राहणाऱ्या एका अल्पवयीन मुलीवर एकतर्फी प्रेमातून (One side love) हल्ला करून फरार झालेल्या आरोपीला रबाळे एमआयडीसी पोलिसांनी (Rabale MIDC Police) अटक केली आहे. कुंदनलाल बिहारी गौड (culprit arrested) (वय २३) असे त्याचे नाव आहे. या हल्ल्यात जखमी तरुणीच्या पाठीवर चाकूच्या हल्ल्याने गंभीर जखमा झाल्या असून तिच्यावर नेरूळमधील रुग्णालयात उपचार सुरू आहेत. सोमवारी न्यायालयाने त्याची पोलिस कोठडीत रवानगी केली.
कुंदनलाल व जखमी मुलगी हे दोघेही उत्तर प्रदेश राज्यात एकाच गावात राहावयास आहेत. या दोघांचे कुटुंब रोजगारासाठी मागील काही वर्षांपासून रबाळे येथे जवळजवळ राहवयास आहे. कुंदनलाल याचे पीडित मुलीवर एकतर्फी प्रेम असल्याने तो नेहमी तिच्याशी बोलण्याचा प्रयत्न करत होता; मात्र ती त्याला प्रतिसाद देत नव्हती.
गेल्या शनिवारी पीडित मुलगी महाविद्यालयातून घरी येत असताना आरोपीने अचानक तिच्यासमोर येऊन चाकूने हल्ला केला; मात्र तिने प्रसंगावधान राखत वाचवण्याचा प्रयत्न केला; मात्र या हल्ल्यात पीडित मुलगी गंभीर जखमी झाल्यानंतर कुंदनलाल याने पलायन केले होते. रबाळे एमआयडीसी पोलिसांनी कुंदनलाल याच्याविरोधात गुन्हा दाखल केला होता. रविवारी दुपारी आरोपी रबाळे स्थानक परिसरात असल्याची माहिती मिळताच पोलिसांनी त्याला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.