Konkan News: दापोली येथील मच्छी मार्केटजवळ येथे झालेल्या घरफोडीत सोन्याच्या दागिन्यांसह रोख रक्कम असा ५ लाख ७९ हजारांचा ऐवज चोरल्याचा प्रकार उघडकीस आला आहे. या प्रकरणी दापोली पोलिस ठाण्यात अज्ञाताविरोधात गुन्हा दाखल करण्यात आला असून पोलिस अधिक तपास करीत आहेत.

याबाबत पोलिसांकडून मिळालेल्या माहितीनुसार हबीब अहमद युसूफ सावंत (रा. मच्छीमार्केट, दापोली) यांनी घरफोडी झाल्याची फिर्याद पोलिस ठाण्यात दिली आहे. २५ एप्रिल ते २ मे रोजी रात्री सुमारे १० वाजेपर्यंतच्या कालावधीत सावंत आणि त्यांचे कुटुंबीय मुंबईला गेले होते.

हबीब यांच्या बिल्डींगमध्ये राहणाऱ्या त्यांच्या भावजय अकिला आशिष सावंत यांनी फोन करून घरफोडी झाल्याची माहिती दिली. घराच्या खोलीची मुंबईतूनच व्हीसीद्वारे रुमची पाहणी केली. त्यावेळी हबीब सावंत आणि त्यांचे कुटुंबीय ३ मे रोजी दुपारी ३ वाजेपर्यंत दापोलीत पोहचले.

चोरट्याने बंद खोलीचे व लाकडी कपाटाचे लॉक तोडल्याचे त्यांच्या निदर्शनास आले. कपाटातील ७५ हजार रुपयांचे तीन तोळ्याचा सोन्याचा हार, ३७ हजार रुपयांची दीड तोळ्याची चेन आणि ४ लाख ६७ हजार पय रुपये रोख असा ५ लाख ७९ हजार रुपयांचा ऐवज चोरट्याने चोरून नेला. ७ या प्रकरणी गुन्हा दाखल केला असून पोलिस तपास करीत आहेत.