ED News: टकेत असलेल्या आरोपी बिल्डर ललित टेकचंदानीशी संबंधित मुंबई आणि नवी मुंबईतील 22 ठिकाणी सोमवारी अ ईडीने छापेमारी केली आहे.सोबतच ईडीच्या कारवाईत 30 कोटीची मालमत्ता जप्त करण्यात आले.

ज्यामध्ये . 27.5 लाख रोख रुपये आणि 29.73 कोटी रुपयाची बँकेतील रक्कम/फिक्स्ड डिपॉझिट्सचा समावेश आहे. शोध मोहिमेदरम्यान डिजिटल उपकरणे आणि इतर कागदोपत्री पुरावेही ईडीने जप्त केले आहेत.या प्रकरणाचा पुढील तपास सुरू आहे.सदनिका खरेदीदारांची फसवणूक केल्याप्रकरणी टेकचंदानी याना अटक करण्यात आली होती.

मुंबई पोलिसांनी 13 जानेवारी रोजी टेकचंदानी, त्यांची पत्नी, त्यांची कंपनी सुप्रीम कन्स्ट्रक्शन्सचे संचालक आणि इतर काही जणांविरुद्ध चेंबूर पोलीस ठाण्यात गुन्हा नोंदवला होता. या प्रकरणातील तक्रारदार व्यक्तीने नवी मुंबईतील तळोजा येथील टेकचंदानीच्या बांधकाम प्रकल्पात 36 लाख रुपयांची गुंतवणूक केली होती.

2017 मध्ये प्रकल्प तयार होईल असे कंपनीने त्याना आश्वासन दिले. परंतु, 2016 मध्ये त्याचे बांधकाम अचानक थांबले. शेकडो फ्लॅट खरेदीदारांनी टेकचंदानीच्या प्रकल्पात गुंतवणूक केली, परंतु त्यांना ना सदनिका मिळाल्या, ना त्यांचे पैसे परत मिळाले. त्यांनतर ग्राहकांच्या तक्रारीच्या आधारे, टेकचंदानी आणि इतरांवर फसवणुकीचा गुन्हा दाखल करण्यात आला.

गेल्या आठवड्यात 19 जानेवारीला टेकचंदानी आणि इतरांविरुद्ध नवी मुंबईतील तळोजा पोलिस ठाण्यात आणखी एक गुन्हा दाखल करण्यात आला होता. तक्रारीनुसार, 160 घर खरेदीदारांना आरोपींनी त्याच्या कंपनीच्या नवी मुंबईतील खारघर येथील गृहनिर्माण प्रकल्पात 44 कोटी रुपयांची फसवणूक केल्याचा टेकचंदानीवर आरोप आहे.