मुंबई : मुंबईतील कोरोना संसर्ग पुन्हा डोके वर काढायला लागला आहे. शुक्रवारी 1,929 नवीन रुग्ण सापडले असून, मुंबईतील एकूण रुग्णसंख्या 1,52,024 वर पोहोचली आहे. मुंबईत आज 35 रुग्णांचा मृत्यू झाला असून, मृतांचा आकडा 7,796 वर पोहोचला आहे; तर शुक्रवारी 1,110 रुग्ण बरे होऊन घरी परतले. सध्या शहराचा रुग्ण बरे होण्याचा दर हा 80 टक्के इतका आहे.
मुंबईत आज नोंद झालेल्या 35 मृत्यूंपैकी 28 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 25 पुरुष, तर 10 महिलांचा समावेश होता. एकूण मृत झालेल्या 35 रुग्णांपैकी 25 रुग्णांचे वय 60 वर्षावरील होते, तर 10 रुग्ण 40 ते 60 वर्षादरम्यान होते. आज 1,110 रुग्ण बरे झाले असून, आजपर्यंत 1,21,671 रुग्णांना घरी सोडण्यात आले आहे. मुंबईत रुग्ण दुपटीचा दर हा 77 दिवसांवर गेला आहे; तर 3 सप्टेंबरपर्यंत एकूण 8,02,647 कोव्हिड चाचण्या करण्यात आल्या; तर 28 ऑगस्ट ते 3 सप्टेंबर दरम्यान कोव्हिड रुग्णवाढीचा दर हा 0.90 इतका आहे.
6,797 इमारती सील
मुंबईत 560 इमारती आणि झोपडपट्ट्या कंटेन्मेंट झोन म्हणून जाहीर करण्यात आले आहेत, तर सक्रिय सीलबंद इमारतींची संख्या 6,797 असून, गेल्या 24 तासांत बाधित रुग्णांच्या संपर्कात असलेले 5,463 अतिजोखमीचे रुग्ण आहेत, तर 2,256 रुग्ण कोव्हिड केअर सेंटर 1 मध्ये उपचार घेत आहेत.
--------------------------------------
( संपादन - तुषार सोनवणे् )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.