मुंबई : मुंबईत शनिवारी कमाल 36 अंश आणि किमान 29 अंश सेल्सिअस तापमानाची नोंद करण्यात आली. शुक्रवारीही किमान तापमान 29 अंश सेल्सिअस होते. हे मे महिन्यातील गेल्या 10 वर्षांमधील तिसऱ्या क्रमांकाचे तापमान आहे.
2010 आणि 2015 मध्ये मे महिन्यात किमान तापमान 29.7अंशांपर्यंत पोहोचले होते. 2016 मध्ये मे महिन्यातील सर्वाधिक किमान तापमान 29.2 अंश सेल्सिअस होते. कमाल तापमानातही वाढ झाली आहे. शुक्रवारी कमाल तापमान सांताक्रूझ येथे 34.9अंश आणि कुलाबा येथे 35.2 अंश सेल्सिअस होते. शनिवारी कमाल तापमान सांताक्रूझ येथे 36 अंशांवर पोहोचले, तर कुलाबा येथे 35 अंश सेल्सिअसी नोंद झाली.
सांताक्रूझ येथे 57 टक्के, तर कुलाबा येथे 76 टक्के आर्द्रता नोंदवण्यात आली. वाढत्या आर्द्रतेमुळे मान्सूनच्या आगमनाची चिन्हे मुंबईकरांना जाणवत आहेत. पुढील 24 तासांमध्ये हवामान असेच राहील, असा अंदाज प्रादेशिक हवामान विभागाने वर्तवला आहे. त्यानंतर हळुहळू कमाल व किमान तापमानात थोडी घट होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.