मुंबईः मुंबईतल्या सात लोकल रेल्वे स्थानकांचं नाव बदलण्याचा प्रस्ताव विधान परिषदेत मंजूर झाला आहे. आता पुढील मंजुरीसाठी हा प्रस्ताव केंद्र सरकारकडे पाठवण्यात आलेला आहे.

रेल्वे स्थानकांची नावं बदलण्याचा प्रस्ताव दादा भुसे यांनी मांडला होता. विधान परिषदेत हा प्रस्ताव मांडल्यानंतर त्याला मंजुरी मिळाली. यामध्ये मुंबईतल्या सात रेल्वे स्थानकांचा समावेश आहे. त्यांना नवीन नावं देण्यात आलेली आहेत.

कोणत्या स्थानकाचे नाव बदलले?

1. करी रोडचे नाव - लालबाग

2. सँडहर्स्ट रोडचे नाव - डोंगरी

3. मरीन लाईनचे नाव- मुंबादेवी

4. चर्णी रोडचे नाव - गिरगाव

5. कॉटन ग्रीनचे नाव- काळाचौक

6. डॉकयार्डचे नाव - माझगाव

7. किंग सर्कलचे नाव- तीर्थनकर पार्श्वनाथ

अशा सात रेल्वे स्थानकांचे नावं बदलण्याचा प्रस्ताव विधान परिषदेत मंजूर झाला. आता हा प्रस्ताव मंजुरीसाठी केंद्र सरकारकडे पाठवण्यात आलेला आहे.