ठाणे : कोरोनाच्या संकटकाळात भाडेतत्वाचा करार संपल्यानंतर भाडेकरुला दोन महिने मोफत रहाण्याची मुभा ठाण्यातील संतोष भागणे यांनी दिली.  त्यामुळे भागणे यांचे भाडेकरु विकास गायकवाड यांनी कौतूक केले असून, आम्हाला त्यांचा आदर वाटत असल्याचे त्यांनी सांगितले. 

मोठी बातमी : आरोग्य खात्याचे टेन्शन वाढले

ठाणे वन विभागात कार्यरत असलेले संतोष भागणे यांचे अंबरनाथ येथे भोईर नगर बारकूपाडा येथे घर आहे. त्यांच्या घरात विकास गायकवाड हे कुटूंबासह गेली चार ते पाच वर्षे भाडेकरु म्हणून वास्तव्य करीत आहेत. 11 महिन्यांच्या करारतत्वानुसार गायकडवाड हे संतोष यांच्या घरात रहातात. यावर्षी कोरोनाचा प्रार्द्रुभाव रोखण्यासाठी मार्च महिन्यापासून लॉकडाऊन घेण्यात आला आहे. या संकटकाळात गायकवाड यांना कराराची मुदत संपल्यानंतर पुढील दोन महिने मोफत रहाण्याची मुभा संतोष भागणे यांनी दिली आहे. 

नक्की वाचा : कोरोनामुक्त तरुणीला चिंता होती की लोक तिच्याकडे कसे पाहतील, पण...

याविषयी संतोष भागणे म्हणाले,  गायकवाड हे माझ्या घरात गेली चार पाच वर्षे रहात आहेत.  त्यांची आर्थिक परिस्थिती तशी उत्तम आहे. परंतू त्यांची आर्थिक परिस्थिती कशी आहे याचा विचार करण्यापेक्षा मी माणूसकीच्या दृष्टीने विचार केला. गायकवाड यांचे करारपत्र ऑक्टोबर महिन्यात संपत आहे. 11 महिन्याचा करार असल्याने त्यांनी आधीच सर्व महिन्याचे भाडे भरलेले आहे. त्यामुळे त्यांना मार्च व मे महिन्याचे भाडे कमी करण्यापेक्षा करार संपल्यानंतर नोव्हेंबर व डिसेंबर महिन्यात करार न करता रहाण्याची मी मुभा दिली आहे. 

महत्वाची बातमी : मुख्यमंत्री कार्यालयाकडे तक्रार दाखल झाली, ...अन् यंत्रणा हलली!

शासनाच्या नियमाचे पालन 
घरमालकांनी घरभाड्यासाठी तगादा लावू नये असे राज्य सरकारने आदेश दिले असले तरी अनेक भाडेकरुंच्या घरात चिंतेचे वातावरण दिसते. कारण अद्याप त्यांना घरमालकाचा तसा कोणताही संदेश आलेला नाही. संतोष यांनी मात्र राज्य शासनाचा निर्णय जाहीर होताच भाडेकरुंना मुभा देत भाडेकरुंच्या मनात घरमालकाविषयी आदराची भावना निर्माण केली आहे.

The licenar gave  Discount tenants the lease saying