मुंबई, 21: सध्या संपूर्ण जगाचे लक्ष कोविडच्या लसीकडे लागले आहे. मात्र, मुंबईत ही लस घेण्यासाठी स्वयंसेवकांचा प्रतिसाद कमी असल्याची खंत जेजे रुग्णालयातील डाॅक्टरांनी व्यक्त केली आहे. सोमवारपर्यंत जेजे रुग्णालयात कोव्हॅक्सिन लसीचा डोस 341 स्वयंसेवकांना दिला गेला आहे. मात्र, आतापर्यंत किमान 500 स्वयंसेवकांना लसीचा डोस देऊन चाचची पूर्ण झाले पाहिजे होती, मात्र, लसीचा डोस घेण्यासाठी प्रतिसाद कमी असून स्वयंसेवकांनी पुढाकार घेण्याचे आवाहन डाॅक्टरांकडून करण्यात आले आहे. दरम्यान, पालिकेच्या सायन रुग्णालयात शनिवारपर्यंत 100 जणांना कोव्हॅक्सिन लसीचा डोस देण्यात आला आहे. 

सरकारी रुग्णालयापैकी जे जे रुग्णालय आणि पालिकेच्या सायन रुग्णालयात कोव्हॅक्सिन लसीची मानवी चाचणी केली जात आहे. मात्र, या लसीच्या डोस साठी स्वयंसेवकाचा हवातसा मिळत नसल्याचे जे. जे. रुग्णालय कोव्हॅक्सिन समन्वयक डॉ. दिनेश धोडी यांनी सांगितले आहे. 

महत्त्वाची बातमी : गरज पडल्यास शरद पवार घेणार ममता दीदींची घेणार भेट, नवाब मलिकांचे संकेत

कोव्हॅक्सिनसाठी स्वयंसेवकाचे समुपदेशन - 

या यादीत असणारे काही लोक स्वतःहून फोन करुन विचारणा करत आहेत. ज्या स्वयंसेवकानी लस घेतली आहे ते ही इतरांना लस घेण्यासाठी मार्गदर्शन करत आहे. हजार लोकांना लस दिली जाणार आहे, मात्र 31 डिसेंबरपर्यंत किमान 500 ते साडेपाचशे स्वयंसेवकांना लस देण्याचा प्रयत्न आहे. शिवाय, जे 15 ते 20 स्वयंसेवक येत आहेत, त्यापैकी काही जणच लस घेण्यासाठी योग्य ठरतात. त्यांची निवड करून त्यांना लस टोचली जाते. काही जणांचे समुपदेशन ही केल जात आहे. मात्र, काही कारणांमुळे त्यांनी लस घेण्यास नकार दिला नाहीतर आतापर्यंत 500 चा आकडा गाठला असता असे ही डाॅ. धोडी यांनी स्पष्ट केले आहे. 

मुंबईच्या बातम्या वाचण्यासाठी इथे क्लिक करा। Latest News From Mumbai 

लसीला सकारात्मकतेने घेणे आवश्यक - 

आतापर्यंत ज्यांना लस दिली आहे त्यापैकी एकालाही दुष्परिणाम दिसून आलेला नाही. सौम्य अशी लक्षणे दिसत आहेत पण, गंभीर परिणाम दिसला नसून लोकांनी पुढाकार घेणे गरजेचे आहे. जेणेकरून लसीचा अहवाल प्राप्त होईल आणि लोकांना लस देणे सोपे होईल, किमान वर्षभर चालणारी ही प्रक्रिया आहे, असेही डॉ. धोडी यांनी सांगितले आहे.

limited response of volunteers for the testing of made in india bharat biotech covaccine