मुंबई : मुंबईमध्ये दोन तीन दिवसांपासून जोरदार पावसाला सुरूवात झाली असून रस्त्याला पुराचे स्वरूप आले आहे. त्यामुळे नागरिकांना नाहक त्रास सहन करावा लागत आहे. तर साठलेल्या पाण्यामुळे लोकल ट्रेनचे वेळापत्रकही बिघडत आहे. काही ट्रेन उशीराने येत असल्यामुळे प्लॅटफॉर्मवर प्रवाशांची गर्दी जमा होताना दिसत आहे.

सध्या एका प्लॅटफॉर्मवरील व्हिडिओ सोशल मीडियावर व्हायरल झाला आहे. त्यामध्ये एक तरूण लटकत धोकादायक पद्धतीने प्रवास करताना दिसत आहे. तर हा तरूण पूर्णपणे रेल्वेच्या डब्याच्या बाहेर असून त्याने फक्त हाताने पकडले आहे. असा धोकादायक प्रवास करताना प्रवाशांना नाहक त्रास सहन करावा लागत आहे.

दरम्यान, इंस्टाग्रामवरील विरल भियानी या अकाऊंटवरून शेअर करण्यात आला आहे. तर नेटकऱ्यांनी यावर आपल्या प्रतिक्रिया व्यक्त केल्या आहेत. या व्हिडिओला नेटकऱ्यांकडून चांगलीच पसंती मिळत आहे. "मुंबईत जगणं म्हणजे कठीण, जीव मुठीत धरून मुंबईकरांचा प्रवास" अशा कमेंट नेटकऱ्यांनी केल्या आहेत.