मध्य रेल्वेची वाहतूक सेवा ठप्प झाली आहे. अंबरनाथ आणि बदलापूर दरम्यान मालगाडीच्या इंजिनमध्ये बिघाड झाल्यामुळे सीएसटी, कर्जत, बदलापूरकडे जाणारी लोकलसेवा ठप्प झाली आहे. आज रविवार सुट्टीचा दिवस गणेशोत्सव जवळ आल्याने अनेकजण खरेदीसाठी बाहेर पडत आहेत. त्यांना याचा नाहक त्रास सहन करावा लागत आहे.

अंबरनाथ आणि बदलापूर दरम्यान मालगाडीच्या इंजिनमध्ये बिघाड झाल्याने मध्य रेल्वेची वाहतूक सेवा ठप्प झाली आहे. यामुळे कर्जतकडून मुंबईच्या दिशेने येणारी लोकल वाहतूक विस्कळीत झाली आहे. कल्याण लोको शेड मधून इंजिन मागविण्यात आले आहे. पुढील अर्ध्या तासात वाहतूक सुरळीत होण्याची शक्यता वर्तवण्यात आली आहे.

कल्याण लोको शेड मधून इंजिन मागविण्यात आले आहे. गेल्या अर्ध्या तासापासून वाहतूक पूर्णपणे ठप्प आहे. दुरुस्तीसाठी आणखी आर्धा तास लागण्याची शक्यता वर्तवली जात आहे. त्यामुळे प्रवाशांची गैरसोय झाली होती.

गणेशोत्सव एक-दोन दिवसांवर आला आहे. त्याआधी रविवार असल्याने नागरिकांची खरेदीसाठी मोठी गर्दी होते. नागरिकांना अडथळा होऊ नये म्हणून रेल्वेने आजचा मेगाब्लॉकही रद्द केला. मात्र तरीही प्रवाशांची गैरसोय झाली होती.