मुंबई : मुंबईतील टाळेबंदी (lockdown) टप्प्याटप्प्याने शिथिल करण्यात येत असली तरी देखील डेल्टा व्हेरियंट, (delta variant) त्यातील आर फॅक्टर आणि यातून संभाव्य तिसरी लाटे (corona third wave) बाबत सावध राहण्याची गरज आहे. 1 ऑगस्ट पासून निर्बंध शिथिलता वाढवण्यात आल्याने त्या दिवसापासून आगामी 28 दिवस मुंबईकरांसाठी परीक्षेचे ठरणार आहेत. विषाणूचा इन्क्युबेशन पिरियड नियमानुसार नाही सांभाळल्यास घातकी ठरू शकते असे वैद्यकीय तज्ज्ञ सुचवीत आहेत. ( lockdown-delta variant-corona third wave-coronavirus-nss91)

दरम्यान, यावर बोलताना केईएम रुग्णालयाचे अधिष्ठाता डॉ. हेमंत देशमुख यांनी सांगितले की, टाळेबंदी नंतर 28 दिवसांचा कालावधी परीक्षेचा असतो. या कालावधीत गंभीर रुग्णांचे मृत्यू आणि गंभीर रूग्ण दाखल होण्याचे प्रमाण वाढले तर ती लाटेची लक्षण मानली जातात. तरी देखील पालिका सज्ज असल्याचे ही डॉ. देशमुख यांनी स्पष्ट केले आहे. त्यासाठी तीन जम्बो कोविड केंद्र तयार करण्यात आली आहेत. सायन, कांजूरमार्ग आणि दहिसर या ठिकाणी 6 हजार बेड्स संपूर्ण सुविधेसह सज्ज आहेत. मात्र, हे लोकांच्या कोविड अप्रोप्रिएट बिहेवियर म्हणजेच वागणुकीच्या स्वभावावर अवलंबून राहणार आहे.

डेल्टा प्लसचा आर फॅक्टर :

कोरोना व्हायरसने नवे रुप धारण केले असून सध्याचा डेल्टा प्लस व्हेरिएंट घातक असल्याचे मत वैद्यकीय तज्ज्ञ मांडतात. तर, त्यातीलही व्हायरसचा आर फॅक्टर हा हजार पटीने संसर्ग पसरवत असतो. हा फॅक्टर डेल्टा व्हेरियंट मध्ये असून डेल्टा व्हेरियंट तिसऱ्या लाटेला प्रमुख कारणीभूत असल्याचे जागतिक पातळीवर दिसून येत आहे. सध्या मुंबईत 3 डेल्टा प्लस व्हेरिएंटचे रुग्ण सापडले आहेत. त्यामुळे, हे रुग्ण वाढू नये म्हणून मुंबईकरांनी मास्कचा वापर करणे आवश्यक आहे. शिवाय, अनावश्यक गर्दी टाळावी असे आवाहन टास्क फोर्स सदस्य डाॅ. अविनाश सुपे यांनी केले आहे.