उल्हासनगर : कल्याण लोकसभा मतदार संघासाठी उल्हासनगरातील मुस्लिम नेते जमिल अहमद जुबेर खान उर्फ डॉन यांना वंचित बहुजन आघाडीने उमेदवारी दिली असून आज त्यांनी लोकसभेच्या निवडणूक निर्णय अधिकारी यांच्याकडे उमेदवारी अर्ज सादर केला आहे.

जमिल खान यांची मुलगी इसरत खान ही 2012 साली महानगरपालिकेत नगरसेविका पदावर निवडून आली होती.तसेच जमिल खान यांनी 1995 साली भारिप बहुजन महासंघाकडून विधानसभेची निवडणूक लढवली होती.तेंव्हा त्यांना पप्पू कालानी यांच्या समोर 15 हजार मते मिळाली होती.

उमेदवारी अर्ज भरण्यापूर्वी जमिल खान यांनी ऑनलाइन दहा हजार रुपये भरून वंचित बहुजन आघाडीचे सदस्यत्व घेतलेले आहे. मात्र जमिल खान यांनी उमेदवारी अर्ज सादर करताना पदाधिकारी कार्यकर्ते यांना सोबत किंबहुना विश्वासात का घेतले नाही?अशी चर्चा शहरात रंगू लागली आहे.