भारतामध्ये सत्ता कोणाची ही, परंतु मतदान हा आपला हक्क आहे, त्या एका मतावरच आपण आपली सरकार निवडतो. त्यामुळे मतदान खूपच महत्त्वाचे असते हे मतदान प्रत्येकाने करावे, असे आवाहन करण्यासाठी कोलकात्याहुन मुंबईला पोचलेले नरेश कुमार गुप्ता यांनी बीकेसी येथील महविकास आघाडीच्या सभेत लक्षवेधी ठरले. दोन दिवसापूर्वी ठाणे जिल्ह्यातील पंतप्रधान नरेंद्र मोदी यांच्या सभेमध्ये देखील ते सहभागी झाले होते. त्या ठिकाणीही मतदान करण्यासाठी संदर्भातील आपली प्रचार मोहीम जोरात राबवली.

प्रत्येकाने मतदान करावा, आपल्या मतदानाचा हक्क बजावा, हा संदेश बेंगोली हिंदी, तामिळ आधी भाषांमध्ये लिहून त्याची मोठी टोपी करून आणि अंगावर मतदानाविषयीचे संदेश देत नरेश कुमार गुप्त आहेत मुंबईतील महाविकास आघाडीच्या सभेत मतदान करण्याच्या प्रचारासाठी पोहोचले. लोकांनी मोठ्या प्रमाणात मतदान करावे हा एकच संदेश घेऊन आपण देशभर फिरत असल्याचे त्यांनी सांगितले.

मागील 19 वर्षांपासून राज्यातील आणि देशातील निवडणुका सुरू झाल्यास आपण देशभरातील विविध राज्यांमध्ये शहरांमध्ये फिरत असते. या माध्यमातून प्रत्येकाने मतदान करावे यासाठी आपण आवाहन करतो या आवाहनाला खूप मोठ्या प्रमाणात प्रतिसाद मिळत असतो.

यंदाच्या लोकसभा निवडणुकीच्या पार्श्वभूमीवर आपला हा प्रवास  कोलकाता येथून सुरू झाला.  दिल्ली, अहमदाबाद आदी शहर आणि अनेक राज्यातील फिरत मुंबईत पोचलो असून मुंबईमध्ये मतदानाविषयीची जागरूकता अत्यंत चांगल्या प्रमाणात असल्याची आपल्याला दिसून आल्याचे त्यांनी सांगितले. मुंबईकर अत्यंत मनस्वी स्वभावाचे, आणि ऐकून घेण्याची मनस्थिती असल्याचे आपल्याला दिसले.

मुंबईत बांद्रा येथील या सभेमध्ये प्रत्येक पक्षातील सदस्यांनी आपल्या मतदानासंदर्भातील मोहिमेला पाठिंबा देत आपले स्वागत केले. महाराष्ट्राची भूमी हीच एक विचाराची आणि महापुरुषांची भूमी आहे. स्वातंत्र्यसंग्राम आणि एकूणच परिवर्तनाचे विचार या भूमीने दिले आहेत. या भूमीने देशाला संविधान दिले हे संविधान वाचविण्यासाठी आणि लोकशाही अबाधित राहण्यासाठी प्रत्येकाने मतदान करावे असे आवाहन देखील त्यांनी केले.