मुंबई - मुंबईत राज्य शासनाच्यावतीने महाराजा यशवंतराव होळकर यांचे स्मारक उभे करण्याची जबाबदारी आपण घेतो, अशी ग्वाही राज्याचे कौशल्य रोजगार उद्योजकता व नाविन्यता विभागाचे मंत्री मंगल प्रभात लोढा यांनी दिले आहे.

ऑगस्ट क्रांती मैदानात महाराजा यशवंतराव होळकर यांच्या २४८ व्या जन्मोत्सव सोहळ्याचे आयोजन पुण्यश्लोक फाउंडेशनच्या वतीने करण्यात आले होते. त्यावेळी लोढा बोलत होते.

धनगर समाज हा प्रामाणिक समाज असून राज्य सरकार त्यांच्या मागण्यांचा सकारात्मक विचार करत आहे. येत्या ३० दिवसात संयोजन समितीने मुंबई शहरातील जागा सुचवावी. त्याठिकाणी राज्य सरकारच्या माध्यमातून महाराजा यशवंतराव होळकर यांचे शहरात स्मारक उभे करण्याची जबाबदारी आपण घेतो, असेही लोढा यावेळी म्हणाले.