मुंबई: आता भीमा कोरेगावचा निर्णय पार अमेरिका द्यायला लागली का, आम्ही पण तपास करू शकतो. असं उपमुख्यमंत्री अजित पवार यांनी प्रतिक्रिया दिली आहे. निर्दोष लोकांचे हाल होणार नाही. आम्ही काम करणार आहोत, असंही अजित पवार म्हणालेत.

भीमा कोरेगाव हिंसाचार आणि माओवाद्यांशी संबंध असल्याच्या कारणावरुन पुणे पोलिसांनी संशोधक रोना विल्सन यांना अटक केली. त्यांच्या लॅपटॉपसह घराची झडती घेण्यात आली. त्यानंतर २२ महिने आधी आक्षेपार्ह मजकूर पेरण्यात आल्याचा धक्कादायक अहवाल मॅसेच्युसेट्सस्थित अर्सेनेल डिजिटल या कंपनीने प्रसिद्ध केला आहे. याच पार्श्वभूमीवर विल्सन यांनी बुधवारी उच्च न्यायालयाचे दरवाजे ठोठावले आहेत.
आपल्यासह अन्य आरोपींविरोधातील कारवाईला स्थगिती देण्याची आणि या लॅपटॉपमधील माहितीत फेरफार केल्याच्या चौकशीसाठी विशेष तपास पथक नियुक्त करण्याची मागणी विल्सन यांनी केली आहे. यावरच उपमुख्यमंत्री अजित पवार यांनी आपली प्रतिक्रिया दिली आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

दुसरीकडे पुढे अजित पवार म्हणाले की, विधानसभेचं अध्यक्षपदाचा निर्णय बिनविरोध होईल अशी शक्यता आणि आम्ही सगळ्यांशी चर्चा करणार आहे. हे महाराष्ट्र विकास आघाडीचं सरकार आहे आणि प्रमुख नेते एकत्र आहेत. त्यामुळे या सरकारला कोणताही त्रास नसल्याचंही सांगायला अजित पवार विसरले नाहीत. 

राज्यपालांच्या विमान प्रवासावर अजित पवार म्हणाले

राज्य सरकारनं विमान प्रवासाची परवानगी नाकारल्यानं राज्यपाल भगतसिंह कोश्यारी यांना आज विमानातून उतरावे लागले. यासंदर्भात अजित पवार यांना पत्रकारांनी प्रतिक्रिया विचारली. 

हेही वाचा-  विद्यार्थ्यांच्या लोकल प्रवासासाठी वर्षा गायकवाड मुख्यमंत्र्यांच्या दारी

त्यावर उपमुख्यमंत्री म्हणाले की, मला याबद्दल काहीच माहिती नाही, ते राज्याचे राज्यपाल आहेत. राज्यात एवढ्या महत्त्वाच्या व्यक्तीबद्दल काही घडलं असेल तर मला आधी माहिती घ्यायला हवी. मी आता मंत्रालयात जाणार आहे. तिथे गेल्यावर मी संबंधित अधिकाऱ्यांशी बोलतो.

maharashtra deputy cm ajit pawar reaction on bhima koregaon governor