मुंबई - महागाई, जीएसटी आणि बेरोजगारीच्या विरोधात आज काँग्रेसने तीव्र राज्यव्यापी आंदोलन केले. मुंबईत काँग्रेसचे प्रदेशाध्यक्ष नाना पटोले यांच्या नेतृत्वाखाली काँग्रेसचे प्रमुख नेते आंदोलनात उतरले होते. मात्र या आंदोलनकर्त्यांना विधानभवन ते राजभवन असा मोर्चा काढण्यापासून पोलिसांनी रोखले.

विधानभवनाच्या बाहेरचं पोलिसांनी कडेकोट बंदोबस्त लावून या नेत्यांना उचलून आझाद मैदानात सोडले. या दरम्यान पोलिस आणि काँग्रेस नेते यांच्यात काहीकाळ तणावाचे वातावरण होते. दरम्यान , राज्यभरातही सोलापूर, साताऱ्यासह विविध शहरांत काँग्रेसने आक्रमक आंदोलन करत केंद्र सरकारच्या धोरणाचा जोरदार निषेध केला.